بدأت الحملة رسمـــياً يوم الأربعاء 25 / 7 / 2007 م
المخدرات
تلك الكلمة الصغيرة
التي غيرت مجرى حياة الكثيرين
ودائماً كان ذلك التغيير الى الاسوأ
المخدرات
ذلك المعنى الذي يعني لي
أن من يقع في براثنه
فهو في طريقه حتماً
ليصبح حطام انسان
الآن
أصبحت المخدرات هي الرفيق الرسمي
لشباب الوطن العربي
انظر الى وجوه الشباب من حولك
انظر الى عيون من يمر في الشارع حولك
كم من مراهقين غيبتهم المخدرات
كم من شباب ضيعتهم المخدرات
كم من رجال حطمتهم المخدرات
حتى فتياتنا ونسائنا لم يسلموا منها
الخطر أصبح مهولاً
والتغييب أصبح عادياً
والمأساة كل يوم
في إزدياد مروع
ولهذا
جاءت تلك الفكرة
وأردت أن ألقي بالكرة في ملعبنا
نحن المدونين
الفكرة أبسط ما تكون
كل منا يعيش في مكان ما
شارع كان أو حي أو حتى مدينة
لا أطلب منك سوى أن تساعدنى
في الايقاع بهؤلاء المجرمين
الذين أخذوا على عاتقهم تدمير شباب الامة
كل منا يكتب لنا عن إسم أى تاجر وأى معلومات عنه
عن أى صيدلية تبيع الحبوب المخدرة
عن أي شاب يوزع المخدرات
عن أي مكان يتجمع فيه هؤلاء الشرذمة
الفكرة ببساطة أن نكون نحن حائط صد أمام هؤلاء التجار
امام هؤلاء المخربين
سنفضحهم
سنجرسهم
لن يكلفك الأمر أي شئ
ولا تقلق
فلن يتعرض لك الأمن
أنا من سأبلغ عنهم
سأذهب بنفسي إلى إدراة مكافحة المخدرات
وسأوافيهم بأهم شئ يحتاجونه
في مكافحة المخدرات
المعلومات
نحن سنمدهم بها
إكتب ما تعرفه
اسأل من تثق فيه
تابع ما يدور بشارعك
دَوِن ما تراه
وأنا من سأنقله
دورك أيها المدون الشريف
أن تنقل لي ما تعرفة بأمانة
عن هؤلاء المخربين
وسأستلم التعليقات منكم
وأوصلها أولاً بأول للإدارة
ووقتها لن يكون عندهم أي حجة
فهم دائما يتعللون بنقص المعلومات
لكننا من الآن سنمدهم نحن بها
ونحاسبهم عليها
سنحاول أن نكون الحصن الشعبي لشبابنا
الجدار الأول لأولادنا
لا تنسى أن زمن النقد قد إنتهى
وأن وقت مصمصة الشفاة قد فات
الآن إصنع عمل ايجابي تفخر به مدى الحياة
لا تتردد وتذكر أن الدقائق التي ستتردد فيها
قد يسقط حينها مدمن جديد
إنقــذ أهلك وأخوانك الآن
و إحمِ أولادك
مستقبلاً
---------------
موقع الحملة
http://tw3ya.blogspot.com/
حملة إفضحــــوا تجـــار الكيـــف
يرجى وضع البانرات مع شرح الفكرة لمن لا يعرفها
---------------
ملحوظة هامة :
هناك هامش من الخطأ محسوب
وهو أن تكون بعض البلاغات كيدية
وغير صحيحة
وهو ما لا أرجو - إن شاء الله - حدوثه أبداً
وأتمنى منكم أن تعاهدوني على تلافيه قدر المستطاع
ومع ذلك فأنا قد افترضت هذا الهامش
لأنه ليس في إستطاعتنا تنقية البلاغات
لأنها ستكون من عدة مدن ومحافظات مختلفة
لذا فإني سأوصل تلك المعلومات
الى إلادارات المختصة إن شاء الله
مع التنبيه عليهم بالأخذ في الإعتبار
أن بعضها قد يكون غير صحيح
ولمن لا يريد التعليق بإسم مدونته
من الممكن له ترك تعليق بإسم مجهول
Anonymous
أو التواصل عبر الإيميل المخصص لتلقي البلاغات
tw3ya@hotmail.com
نحن علينا فقط تجميع أكبر قدر ممكن من البلاغات
وهــم عليهم تنقيتها وفلترتها بشكل صحيح
أتمنى منكم الاستجابة السريعة
لصنع التغيير الذي ننشده
-------------
تحديث هــــام :
حقاً هؤلاء هم أبناء ذاك الوطن العظيم
وصلتني بعض الافكار الرائعة من هؤلاء الأبناء
منهم من اقترح تطوير الحملة لتشمل حملة موازية
تظهر أضرار وتأثير المخدرات الفتاكة
كما إقترح بعض الناشطين
إضافة عناوين وأرقام مراكز التأهيل
الخاصة بالمدمنين
ويتم حالياً إعداد بانرات خاصة بأضرار المخدرات
وبانرات خاصة بعناوين وأرقام مركز التأهيل
أرجوكم شاركونا بأي فكرة تدعم تلك الحملة
ونرجو استمرار تدفق المعلومات والبلاغات
تحياتي
-------------
تحديث جديد :
إلى كل من يعارض الفكرة لمجرد هاجسه
من أن هناك قطاعاً في الشرطة قد تخلى عن ضميره وأصبح هو من يتاجر في المخدرات
أو يغض الطرف عن الإتجار فيها أمام عينيه
إلى هؤلاء أقول
وهل هذا مبرر لنكون سلبيين ؟؟؟
هل هذا مبرر لئلا نصنع تغييراً ما ؟؟؟
هل هذا عائقاً لنا على أن نحمي شبابنا ؟؟؟
بالله عليكـــم
دعونا نكون مرة إيجابيين حتى النهاية
نفعل ما علينا بغض النظر عن النتائج
الفرصة أتت حتى عندنا فلماذا نرفضها ؟؟؟
لماذا نتوقع الأسوأ ؟؟؟
لماذا ننظر للسلبيات دون الإيجابيات
ماذا سيكلفك الأمر
عدة سطور ستكتبها بها عدة معلومات
هذه السطور قد تنقذ غيرك
قد تغير حياة مدمن
لماذا الانتظار ولماذا اللامبالاة
حاول أن تكون إيجابياً
وإنضم لنا الآن
ولا تتردد كثيراً
-------------
آخر أخبار الحملة :
1- تم الاعلان بشكل رائع عن الحملة وتجاوزت اعداد البلاغات المعدل المتوقع ( حتى الآن اكثر من 36 بلاغ )
رابط تقرير الجزيرة توك عن الحملة
http://www.aljazeeratalk.net/portal/content/view/1226/1/
رابط تقرير موقع إيـــلاف عن الحملة
http://www.elaph.com/ElaphWeb/ElaphGuys/2007/7/251753.htm
2- في تطور سريع وغير متوقع تم انضمام منظمة أهلية لدعم الحملة , ورحبت تلك المنظمة التي تدعى
( No More Drugs )
بدعم الحملة وتقديم الدعم الفني والخبرة اللازمة لحملتنا ...
3- تقدمت شركتان من شركات الادوية بعروض كممولين للحملة ...
4- في تكاتف رائع ومشجع من رجال الاعلام الشرفاء سارع الاستاذ " مجدي مهنا " الصحفي الشهير ومقدم برنامج ( في الممنوع ) بالتضامن الكامل معنا ووعدنا بتقديم كافة الدعم لنا فور الإتصال به وشرح الفكره له ... شكــراً له .
5- تبنى موقع " أبنــــاء مصر " الالكتروني الحملة وقام بمساندتها ووعد بإيصال فكرة الحملة الى الاوساط العربية , وهو ما تجلى واضحاً في دعم عدد من الصحفيين والمدونين العرب لفكرة الحملة ومناقشتها لتطبيقها سريعاً في دول شقيقة كالسعودية والكويت والبحرين ...
6- يتم طرح تصور تطويري للحملة يقتضي بالعمل على طباعة بوسترات ولصقها في الشوارع والميادين تتضمن شرح فكرة الحملة وتشجع المواطنين على ارسال المعلومات لموقع الحملة ...
7- تم تسليم أول عدد من البلاغات إلى السلطات المختصة
وجاري إتخاذ اللازم بعد التأكد من صحة المعلومات الواردة بها
أشكــــركم
وننتظر إستمرار الدعم
----------
الفيديو إهداء من محمد مجدي
والبانرات إهداء من مدونة مزاجات
آخر أخبار الحملة :
1- تم الاعلان بشكل رائع عن الحملة وتجاوزت اعداد البلاغات المعدل المتوقع ( حتى الآن اكثر من 36 بلاغ )
رابط تقرير الجزيرة توك عن الحملة
http://www.aljazeeratalk.net/portal/content/view/1226/1/
رابط تقرير موقع إيـــلاف عن الحملة
http://www.elaph.com/ElaphWeb/ElaphGuys/2007/7/251753.htm
2- في تطور سريع وغير متوقع تم انضمام منظمة أهلية لدعم الحملة , ورحبت تلك المنظمة التي تدعى
( No More Drugs )
بدعم الحملة وتقديم الدعم الفني والخبرة اللازمة لحملتنا ...
3- تقدمت شركتان من شركات الادوية بعروض كممولين للحملة ...
4- في تكاتف رائع ومشجع من رجال الاعلام الشرفاء سارع الاستاذ " مجدي مهنا " الصحفي الشهير ومقدم برنامج ( في الممنوع ) بالتضامن الكامل معنا ووعدنا بتقديم كافة الدعم لنا فور الإتصال به وشرح الفكره له ... شكــراً له .
5- تبنى موقع " أبنــــاء مصر " الالكتروني الحملة وقام بمساندتها ووعد بإيصال فكرة الحملة الى الاوساط العربية , وهو ما تجلى واضحاً في دعم عدد من الصحفيين والمدونين العرب لفكرة الحملة ومناقشتها لتطبيقها سريعاً في دول شقيقة كالسعودية والكويت والبحرين ...
6- يتم طرح تصور تطويري للحملة يقتضي بالعمل على طباعة بوسترات ولصقها في الشوارع والميادين تتضمن شرح فكرة الحملة وتشجع المواطنين على ارسال المعلومات لموقع الحملة ...
7- تم تسليم أول عدد من البلاغات إلى السلطات المختصة
وجاري إتخاذ اللازم بعد التأكد من صحة المعلومات الواردة بها
أشكــــركم
وننتظر إستمرار الدعم
----------
الفيديو إهداء من محمد مجدي
والبانرات إهداء من مدونة مزاجات
101 comments:
فكرة روعة بجد
بكرة هبعتلك كل المعلومات اللى قدرت اوصلها عن اماكن تجارة المخدرات في منطقة شارع خاتم المرسلين بالهرم
ايوة كدة
اشكرك يا صديقي
صاحب البوابه
اننى فى منتهى التأثر
ربنا يحميك
الموضوع ده شغلنى من بدايه هذا العام
صدقنى ياصاحب البوابه من كثره احساسى بكثره شاربيها والجهر بذلك أحسست
أن كل الشباب يشربون ذلك الملعون الذى شجعهم أيضا على تناول البيره معه
وأنهم صاقطون لا محاله
تصور أنك عطتنى أمل أن فيه شباب مبيشربش
خصوصا أن ذلك الشباب الذى يشربه مقتنع انه لايضر وأنه وقتى وفى أى وقت يستطيع الاقلاع عنه
وكنت قد قرات من فتره على انهم يصنعونه بمواد كيماويه تسبب الأدمان
ولا يصتيع المتعاطى الاقلاع عنها
إلا بقوه عزيمه جباره
وسمعت ايضا أن ضباط الشرطه هم من يقومو بتوزعها ويشربونها هى أيضا
ويعرفون أماكنهم كويس أوى
لا أقصد أحباطك بهذا الكلام
ولاكن عندى أقتراح بعد تجميع بلاغاتك كلهاونسليمها
ناشد كل من أرسل لك أن يرسل لك ثانيه
ليعرفنا هل حدث تغير فى المكان المبلغ عنه أم لا
ربنا يوفقك ويحمى شباب البلد كله
أعرف كثيرين ولكنهم أوراق في يد المباحث تضرب بعضهم ببعض وهذا الأمر يقين عندي
ولكني أعلق تعليق بخصوص المبتلى بهذا الأمر أنه يلزمه علاج ولا يكفي أن نعول على الإقناع والرغبة في التوبة
السلام عليكم
كنت لسه هقولك ان فيه ناس هتعمل كده كيديا
بس انت جاوبت بنفسك
-----------
في مشكله تانيه
اغلب التجار الصغيرين دول غلابه بيكونوا يا دوب بيجيبوا فلوس علشان يعيشوا
انا لا امحي عنهم الذنب والجريمة
لكن اذا كنت عايز تضرب اضرب الرأس وبعدين حركة باقي الجسم هتتشل لوحدها
دا رأي
وبناء عليه احنا مش هنعرف نجيب التجار الكبار اللي يستهلوا بجد
لو عندك حل للمشكلة دي بلغني
تحياتي
لثقتنا الكاملة فى وطنيتكم وحرصكم على سلامة شباب الامة
ندعوكم للانضمام فى حملة افضح تجار الكيف
وهي تهدف إلى تقديم كل ما تعرفه من معلومات عن من يقومون ببيع هذه السموم سواء كانوا فى منطقة إقامتك أوعملك أودراستك أو ناديك
http://elbawaba.blogspot.com/
والتفاصيل والبانارات على هذا الرابط
وجزاكم الله كل خير
السادة الكرام
أحببت أن ارد سريعاً
قبل أن انشغل بمتابعة الحملة
----------
اخي خالد رائف
اشكرك وانتظر المعلومات
وارجو ان تتحرى الدقة
تحياتي ايها الحر
----------
أختي الغالية في القلب
أشكرك على إطرائك
وانتظر منك تفعيل الحملة ولو بالدعاية لها
اشارتك ان هناك من ضباط الشرطة من يتاعطون المخدرات او يتجارون فيها امر معروف
لأن هناك في كل مجال شريحة منحرفة
لكنها ليست مبرراً أبداً للصمت
او للوقفوف صامتين وشبابنا يسقطون الواحد تلو الاخر صريعاً لتلك الافة الملعونة
تحياتي اختاة وانتظر تفاعلك
----------
اخي عصفور المدينة
مدني بتلك المعلومات
ولا تجعل ذلك الهاجس عائقاً لك
عن فعل شئ قد ينقذ اخاً لك
تحياتي وانتظر منك موافاتي بالمعلومات
---------
اخي الغالي مهند
تلك النقطة اثرتها مع عدد من المدونين
بإختصار
هناك شقين في المسألة
الاول :
أن هؤلاء التجار الصغار هم المنفذ الوحيد والطبيعي للتجار الكبار
فالتجار الكبار لن ينزلوا الشارع بأنفسهم ليبيعوا المخدرات
اذن بالابلاغ عن هؤلاء الصغار سنحدث تأثيراً في نسب التوزيع وفي كمية المعروض وبالتالى تضيق دائرة الشباب الذي يسقط في تلك الهاوية
الشق الثاني:
أننا بإبلاغنا عن هؤلاء التجار الصغار نكون قد أعطينا لوازرة الداخلية طرف خيط واضح
وبالضغط على هؤلاء الصغار واستجوابهم بحرفية
سنصل حتما الى الكبار
ومع نظرية الاحتمالات
نحن وقتها سنكون الفائزين
اضعفنا مستوى التوزيع
لتضيق دائرة الافساد
وامسكنا بطرف الخيط
لتضيق الدائرة اكثر
تحياتي اخي الغالي
الغالي منذر
الصيغة رائعة
اشكرك على مجهودك الكبير
وجزاك الله خيراً
تحياتي وسأتابعك لاحقاً
بالتوفيق وجزاك الله خيرا
و للا سف مش عندي اي معلومات و الله
أخى صاحب البوابة
سعدت كثيرا بهذا البوست ، لأنك تناولت مشكلة إجتماعية تمص قطاع عريض أغلبه من الشباب
كان لدى اقتراح بعمل حملة موازية لهذة الحملة للتوعية بخطر المخدرات لأن طبقا لما درست فإن استراتيجية الضبط فقط لا تكفى لمكافحة انتشار المخدرات لأن المخدرات سلعة تخضع لقانون العرض والطلب ، فإذا حدث نقص فى المعروض ارتفع السعر، فنحن فى حاجة إلى التطعيم الوقائى أى بخفض الطلب وذلك بخلق حالة من الوعى لدى الشباب لأن كثير من الشباب يتعامل مع الأمر بإستهتار إلى أن ينتهى به الأمر إلى الوقوع فى براثن الإدمان
ولك منى جزيل الشكر على سعة صدرك
الفكره جامده جدا وانا باضم صوتى ليك
اه على فكره
حفلة أيامنا الحلوه يوم 27 يوليو الساعه 8:30 فى ساقية الصاوى
اكبر تجمع بلوجرى اوعى يفوتكو
Blogger Radio Station
الله ينور
ربنا يوفقك
وكلنا معاك ان شاء الله
بص انا عارف ان اللى بتقولوا دا جميل ولكن
حضرتك قريت نص قانون الطوارئ
لما تطلع عليه هتعرف ان لازم البلد يكون فيها مخدرات لأن قانون الطوارئ بيسرى بقوه فى حالتين اساسيتين غير باقى الحالات
الحاله الاولى انتشار الارهاب
والحاله التانيه انتشار المخدرات
عشان كده كان من المألوف من سنتي انك تشوف عربية الشرطه واقفه فى مكان توزيع البانجو ومبتعملش حاجه
لكن دلوقتى واحنا فى الاتجاه الى تعديل قانون الطوارئ واستبداله بقانون الارهاب اعتقد الامر هيتغير
كما انى لا انكر ان هناك رجال شرطه محترمين لا يقبلون ذلك
ولكنى ايضا لا انسى وزير الداخليه مش فاكر اسمه دلوقتى بس هو قديم شويه اللى اعلن ا مصر هتكون خاليه من المخدرات فى خلال عام فأقيل
تحياتى
أخي العزيز صاحب البوابة
اتضامن معك في هذه الحملة..كما اقترح ان تتم صناعة بانرات خاصة بمراكز التأهيل المتاحة للمدمنين حتى يكون هناك خط رجعة لكل من اصيب بإرادته بهذا الداء اللعين..اول هذه المراكز المتاحة هو مركز المشورة والفحص VTC ( Voluntairly counciling and testing) رقم التليفون هو 02-27947839
المقر بشارع الشيخ ريحان امام الجامعة الأمريكية بداخل المعامل المركزية...جميع الإتصالات او المقابلات سرية..والمركز مختص بإعادة تأهيل المدمنين و توعيتهم بسبل العلاج..لا يوجد اي شبهة قضائية او جنائية على اي متصل بالمركز..ولن تستغل اي معلومات تقدم من قبل المتصل بأي حال من الأحوال قضائيا...ساوافيك لاحقا بمعلومات اكثر حول المراكز المتاحة لإعادة تأهيل المدمنين...والله الموفق
معاكم طبعا
و لى عودة
بعد إذن صاحب البوابة
أنا كان ليه تعليق على تعليق الشاعر "حزين"
طبعا يا شاعر كلامك صح جدا ، فى ناس فعلا من مصلحتها إن المخدرات تنتشر أكتر وإن الشباب يفضل مغيب، إن ماكنش مغيب بالمخدرات فحيبقى مغيب بمشاكل الحياة والبطالة وغيره من مشاكل، وده مش معناه إن احنا نستسلم للناس ده اللى من مصلحتها تدمير الوطن وتدمير شبابه، يعنى المفروض نحاربهم على قد ما نقدر مش حنحاربهم بالسلاح ولا بالشعارات بس على الأقل نحاول نساهم فى خلق حالة من الوعى لدى الشباب ، لو حد عنده معلومات يبلغ عنهم وهكذا
حاجة تانية، بالنسبة لوزير الداخلية اللى أعلن إن مصر ستكون خالية من المخدرات خلال عام ، فده اللواء أحمد رشدى اللى نجح فعلا أنه يحار كبار تجار المخدرات ورغم غن فترة توليه الوزارة لم تستمر سوى عامين الإ انه حقق إنجازات كتيرة جدا ، بس هو استقال أو بمعنى أدق أقيل لأن احنا طبعا ما عندناش حد بيستقيل بعد أحداث الأمن المركزى فبراير 1986، ويمكن محاربته لتجار المخدرات وللفساد كان سبب فى إقالته.. الله أعلم
اسفة جدا جدا للإطالة
معاك يامان
حمله بجد حلوة
انا عندى منطقه الناس مسمينها الباطنيه
و اللى عاوز اقوله لك عليه
ان الحكومه عارفاهم واحد واحد و عرفه كل شىء عنهم
و مش بيعملوا حاجه الا لما يكون لهم مزاج انهم يشتغلوا انا مش عاوز اقلل من قيمه الحمله
بس عاوز يكون كمان حمله نخلى فيها الحكومه دى تجبهم بموجب قانون الطوارىء ع الاقل
اما هما هيستخدموه امتى ؟
هما عملينه اساسا ع شان المخدارات و الارهاب و برضه المخدرات بئت فى كل مكان
و زمان كانوا بيشربوها فى الخفا و الله الان فى الشوارع و علنى
هبعتلك النهاردة بليل معلومات عن مكان في الاميرية بحدائق القبة بيبع مخدرات والشباب بيتجمعوا فيه
ربنا يكرمك
كلنا معك
اخى الفاضل حان الوقت لتحمل المسؤوليه لكن اقسملك بالله انى شاهدت بعينى امناء شرطه ومخبرين يتعاطون المواد المخدرة ويتركون من معه مخدرات ولا اعرف هذا يحدث فى بورسعيد فقط المغضوب عليها امنيا ام فى كل المحافظات
يا اخى حميها حراميها
ولكن سنفعل كل ما بوسعنا لفضحهم امام الراى العام وساحاول جاهدا ان اتى لك بمعلومات دقيقه انشاء الله
أنا شاركت وبعت إيميل
بس لي اقتراح أن يقتصر المعلومات على الإيميل عشان التجريس مش مفيد لأنه يحمل في طياته دعاية وتعليم لمن لا يعلم خطرت لي بعد ما رأيت التعليقات أقترح حذف التعليقات فور نزولها أو الاقتصار على الإيميل
صاحب البوابة
ارجو التوضيح بان جميع البلاغات تتم على موقع التوعية حتى يسهل ترصدها...ثانيا من فضلك اضف المعلومات الي عندي على البلوج هناك..عشان تعم الفائدة
تسلم ايدك..وربنا معاك
انا بعتلك ايميل باسماء التجار في منطقة الهرم
من اسبوعين او 3 كدا .. كان في فرح
في المنيا .. كانوا بيوزعوا فيه الحشيش والبانجو كراتين كراتين .. زي العصير
والله ما بهزر .. مش عارفة ازاي الحكومة ساكتة.. بس لو عرفت معلومات او كدا هقولكم
howa da el shoghl
entazerny lama arg3 kman 48 hours
ma7gooooz
mn-majhool
النية كويسة والطرح جيد
لكن الجملة دي :
سأذهب بنفسي إلى إدراة مكافحة المخدرات
مش عارف هو مش المعتاد ان بلدنا عارفة الكبير والصغير وعاملة عبيطة ولا انا غلطان
بيتهيألي هما مش محتاجين جهودنا في الابلاغ اد ما محتاجين جهودنا في القلاع
افضل ان توجيه جهود الحملة يكون للحد من الادمان موليس للقضاء على التجار لان دي سياسة عليا مالهاش دعوة بنقص المعلومات من زيادتها
والتعلل بحجة نقص المعلومات دي مع شديد احترامي لك بها نزعة طفولية منك يا صديقي
عموما اتمنى لك ولحملتك التوفيق اي كانت الطرق
واعدك بالمسانده ان اتاح
تحياتي لك ولتعبك
رائع جداجداجدا
والله ربنا يحميك ويوفقك
بجد انت لو في منك اثنين مكانش حالنا كدة
كل الدعم والتشجيع لك
تحياتي واحترامي
ليمو
مش عارفة اقوك ايه بجد
كل مرة والتانية بتبهرني بافكارك
بس اللي انا هقوله مش مساله احباط
عارف عشان اوصل لبيتنا
في شارع طويل امشيه
وفي شارع كدة مختصر
هو ليه اسم طبعا
بس احنا كمنطقة هنا مسمينه شارع المدارس
عشان في الشارع دة في خمس مدارس جنب بعض وادام بعض
الشارع دة بليل
بيبقي ضلمة جدا
وممكن يطلع عليك حد يثبتك زي ما بيقول اخويا
ورغم ان اخويا حذرني اكتر من مرة اني مش امشي فيه وانا راجعه بليل من شغلي
لكن طبيعه العند اللي فيا بتخليني اكسر الكلام دة
وفي شباب من منطقتنا
اللي بيضرب حقن
واللي بيشرب بانجو
ومن كتر مانا شميته بقت اقدر اميز ريحة البانجو من ريحة السجاير
واللي بيشم
كل دة جايز يكون بالنسبة ليك عادي جدا وبيحصل في احسن الحالات
لكن تعالي بقي لما تبقي عربية دورية معدية وتشوف منظر زي دة
عارف لو كانت مشيت جنبهم وعدت عادي
كنت هقول ان ربنا عماهم ومش خدوا بالهم
لكن لما الموضوع يوصل ان هما يرموا السلام علي اللي بيضربوا حقن ويشموا
ويسلموا عليهم كمان
يبقي فين القانون
لما الشارع دة يكون شارع حيوي عشان المدارس الموجدودة فيه
وعلي فكرة اربعه منهم مدارس لغات خاصة
ومشهورة جدا
ويبقي بليل ضلمة اوي
اخويا لما قالي ان في شباب يقفوا ثبتوا اللي بيعدي من اشارع دة
سالته اومال فين الشرطة
قالي الشرطة بتخاف تعدي من هنا
عشان عافة ان الناس دي مستبيعه نفسها
لكن الشرطة مش مسبيعه نفسها
وسلملي علي التروماي
ربنا يوفاكم يارب
صاحب البوابه
بجد بجد روعه
واضافه الى انتصاراتك التدونيه
المهم انا والله علاقتى مقطوعه نهائيا عن هذا العالم الرهيب ولا اعرف فى منطقتى اخبارهم
ولو اتيحت لى اى معلومات ساوافيك بها تباعا ووعد اننى سوف اجتهد فى ذلك
اما الان ساستاذنك ان اضع بعض الصور فى السايدبار عندى مشاركه منى فى هذه الحمله
وانضم الى راى الاخ عصفور المدينه فى ضروره حذف التعليقات التى تحتوى على معلومات او ارسال التعليق وارسال المعلومات عبر الاميل حتى لا تكون دعايه لضعاف القلوب
السلام عليكم ورحمة الله وبركاته
دخلنا في الجد
:)
بارك الله فيك وجزاك كل الخير
لو عرفت حاجة هبقي أبعت إن شاء الله
:)
نوني
صاحب البوابة الذهبية
كلما مرة بتفتح الباب
بنشوف وراه حاجات كتير مختلفة وجميلة
انا نتضامنة اكيد معاك
خالص تحياتى
موضوع مهم طبعا و لازم كل الى يقدر عاى حاجة يشارك بيها فيه
تقديرى و أحترامى
ممكن أعرف حاجة
هو إنت حقيقى؟
بجد إنت موجود معانا فى البلد دى
أنا مش قادرة أصدق
معلش خدنى على قد عقلى الصغير اللى مش قادر يستوعب عقلك الكبير
أنا أول ما قرأت البوست اللى فات قلت إن كلامك رائع و شجاعتك تفوق الوصف
لكن لمّا قرأت البوست الأخير إتخضيت قلت إيه دة هو بيتكلم بجد و للا إيه
صدقنى إنت نادر أوى
و دى المرة الوحيدة فى حياتى اللى إتمنيت أكون ولد علشان أبقى زيك وأحب مصر بالفعل مش بالكلام
خلّى بالك من نفسك علشان خاطر مصر حبيبتنا
صاحب البوابه
أولا لازم تشيل التعليقات عشان الشباب السلبين ميعرفش الاماكن ويروح يشترى من الاماكن الى أراها عندك
ثانيا أنت تمدنا بالمعلومات الى وصلتلك بالارقام بس حتى تالنا مثلا
الجيزه جاء منها عشر اماكن
بور سعيد مكانين
طنطا وهكذا
للتشجيع
والخطوه الاخرى
تناشدهم يبعثولك بأى تغير يحدث
المخدرات فعل مصيبة كبيرة و لازم احنا كشعب نعالجها
تحياتي علي المدونة الجميلة
امسح يا أخي التعليقات الله يكرمك
دي فتوى أنا بافتيك مش باقترح
السلام عليكم
اولا اشكر لحضرتك مرورك بمدونتي واعتذر انها وصلت لحضرتك الشعور بالاحباط ولونه اسمحلي يعني انا مش عارفه ايه الاحباط المسيطر على المدونين اليومين دول وخاصة حضرتك بس لوحضرتك لاحظت البوست اللي قبل الاخير عندي وهو برده متعلق بالاخير اللي حضرتك علقت عليه وكنت ذكرت فيه بعض الحلول من وجهة نظري للمشكله دي وكمان دعيت الناس انها تشاركني فى التفكير فى حل لكن للاسف كل التعليقات جات على الزجل فقط وليس على المقال ولكن مره تانيه اعتذر على هذا اللبس غير المقصود وعلى شعورك بالاحباط كمان
المهم خلينا فى حملة حضرتك
حقيقي ربنا يباركلك مجهودك ويوفقك فى المساعدة على القضاء على هذه المشكله ومشاكل كتير غيرها وانا ملاحظه ان الموضوع فعلا بدء يكون له نتيجه مثمره
اما بالنسبه للبلاغات انا من رايي ان حضرتك تكتفي بالايميل للبلاغات مش بس للاسباب اللي ذكرت من الاخوه الافاضل
لكن كمان ممكن الناس دي تعرف وتاخد احتياطتها حضرتك عارف ان الشعب المصري حياته كلها متعلقه بالافلام العربي يعني ممكن بقي طريقه يعرفه باللي حضرتك بتعمله ويبدءوا يتصرفوا كمان فيه سبب تاني من وجهة نظري وهو الناس اللي بتبلغ ومحتاجه للمساعده فى طريق الشفاء لازم نضمنلهم السريه التامه فى الموضوع علشان لو حد حب يدي حضرتك بياناته او اي معلومات مهمه في الموضوع يكون ضامن ان حضرتك بس اللي هاتطلع عليها وحضرتك لازم توصلهم المعلومه دي وانا شايفه ان مساعدة الشباب دول خطوه مهمه علشان هما اللي يوصلونا للهدف الاكبر وان شاء الله انا هاحاول اساعد بس الحقيقة لسه معرفتش اذاي بس هاعرف ان شاء الله
مره تانيه جزاكم الله كل خير وربنا يحفظكم من كل سوء ويجعلك دائما مسلم نافع لغيره
اعتذر على الاطاله
السلام عليكم
اخى الكريم انا بالفعل مشارك معاك و كنت من اوائل اللى علقوا عندك بس مش عارف التعلق مش اتنشر ليه كمان انا الان بجمع معلومات من كل الناس و كلمت اكتر من واحد و قالى هيجيب لى معلومات بالتفصيل بس بجد لسه محدش رد
اخوك محمد مارو
ما شاء الله
اغبطك على الحملة
ياللا بقى اقرا المعوذتين وقل هو الله احد لاديك عين على الثواب
:)
بجد ججزاك الله خيرا اللهم امين ورزقك الاخلاص اللهم امين
ربنا معاك اخى وايدك الله ومن معك
اللهم امين
حقيقة اخى انا ليس لي اى معلومات بالمرة فى هذا الشان اذا ما وضحت تفصيليا كيفية نقل البانرات ممكن جدا اخدها عندى
بس اقتراح بسيط
ان تكون البانرات لينك لبلوج الحملة بحيث ان اللى حابب يشارك ما يتعبش على ما يوصل لك
والسلام عليكم ورحمة الله وبركاته
تفكير رائع وجهد مشكور
تماما هكذا يكون العمل
يشرفني ان اكن معك في هذه الحملة
انشاء الله
Interesting Images...lets link, agree?
Id like to link you into my images 's blog:
www.imagenesyafiches.blogspot.com
Salaam!
جزاك الله خيرا بس مش شايف المشاركة بتاعتي في الإحصائية هل ربما لم يصل الإيميل
أيدك الله ورعاك
عجبتني الفكره جدا
وخصوصا اني اعرف ناس ضيعت المخدرات حياتهم فعلا
المشكله ان شبابنا بيهرب اليها من الفشل والبطاله
خطوه جديه وايجابيه ياعزيزي
وانا من ناحيتي هبلغك باي معلومه توصلني ان شاء الله
تحياتي
فكرة فوق الامتياز .. بجد جزاكم الله خيرا
وان شاء الله اذا عرفت حاجه هبلغكم على طول
ربنا يجعله فى ميزان حسناتكم
صاحب البوابه
انا بجد بشكرك على فكرتك الاكثر من رائعه ربنا يحميك يا رب ويقدرك على الخير
بس موضوع البلاغ انا معرفش حد كدة بس ان شاء الله هسأل وهبلغك على طول
استمر يا صاحبي ولكن بحذر ودون حماسة الشباب الزائدة عن حدها ..
تعرف بالطبع أني أساعدك في كل حملاتك
ولكن بطريقتي ..
نسأل الله القبول
... مزاجات
فلتحيا الإيجابية
أرجو أت تحقق الحملة أهدافها
و حتى لو فيه شك من ناحية جدية الشرطة كما يقول الزملاء
فهنكون عملنا اللي علينا قدام ربنا ثم قدام نفسنا
تحياتي و أمنياتي بالتوفيق
صاحب البوابة
جزاكم الله خيرا على الحملات النوعية المبتكرة دى وان شاء الل اشارك فى الحملة
ارجو لكم التوفيق
حملة اكثر من رائعة
تحياتي لكل من يشارك فيها
السلام عليكم
أهنئكم بهذه الحملة وربنا معاكم
والله فكرة اكثر من رائعه
بس احنا هنعرفهم منين الا لو فى احتكاك مباشر بينا وبينهم
الله المستعان
My friend, I make votes so that you have a good weekend
ما هذه الفكره الرائعه فكره ممتازة أعتقد أن هذا هو الذي نحتاجه الان حتي نحقق فعلا عملا إيجابيا وبالتأكيد سأتعاون معك بقدر المستطاع
أخى وصديقى الكريم : صاحب البوابة
السلام عليكم ورحمة الله وبركاته
عرفتك دائماً قلماً جريئاً ومحارباً شديد المراس
أحييك على فكرتك الرائعة والجريئة
وهكذا يكون للتدوين دوره فى حماية المجتمع من الخلايا السرطانية
التى بدأت تنتشر فى جسده محاولة تدميره
أخى : الله معك
أخوك
محمد
ــــــــــــــــــــ
منتديات المصباح المنير
تشارك فى الحملة وتم نشر نسخة من البوست بالمنتدى
الإدارة
http://mmm2000.ahlamontada.com/index.htm
slam alikm
Sorry that I’m writing in English
I don’t know any drug users or dealers, but if you need any help just tell me and I’ll do it
Some of us said that even the police is distributing drugs but if we gave them these information they had to act accordingly wither they like it or not because ppl know now what’s going on.
Not all police officers are bad, I believe that there is still a lot good police officers
May allah be with you and good luck
بص بأه عشان متزعلش منى
أنا شرحتلك سبب التأخر عندى
وخلاص حتيط البانر
أما المعلومات
أدينى أعده مع السواق ألى هو مصدر معلوماتى عن العالم دى
أسرسب فيه فى الكلام
والراجل حتى شك فيه أن أنا عيزا أشترى
وبعدين وريتو الحمله بتعتك على النت
ألى بصى كل ميت عقبه الحته الاريبه من بتنا
بتبيع حشيش مافيش بيت يخلى
أختك ماسكتتش
ألتله طب ألى على بيت واحد بس
وأدينى بحوره من يوميها يعنى مش ساكته
والله الموفق
أنت انسان هايل بجد
ربنا يجازيك خير
تحياتي لك
علي فكره المشكله اللي كانت بتمنعني من دهول مدونتك في الاسبوع الماضي اتحلت لوحدها
:)
تحياتي لك
From the WUB...
From Argentina!
Nice to meet you! :)
Your linked!!!
www.imagenesyafiches.blogspot.com
Salaam!!!
Thank you because comments...
You are welcome!
(Add me to MSN?)
تعالوا زروناااااااا
انا اول مره ادخل مدونتك
تحياتي بجد
ليك تاج عندي
بارك الله فيكم يا رب
حمله طيبه جدا اخى
واضح انى اتاخرت كتير فى متابعة حملتك المميزة يا مصطفى
بس هو مش تقصير قد ما هو انشغال
*********
كل الشكر ليك وهحاول انى ابذل اقصى جهد ليا معك فى الحملة على الاقل بالاعلان عنها لاننى لا اعرف تجار مخدرات بتاتا
فانا لا اشرب السجائر فما بالك بالمخدرات
وبمناسبة السجائر .... لماذا لاتشمل حملتك محاربة التدخين فى حد ذاته ...
فهو اس البلاء واول خطوة فى طريق الادمان
**********
هناك شىء لفت نظرى ضمن الحديث عن من ابلغوا عن التجار
وهو ان معظم التبليغ كتب عليه بلاغ من المكان الفلانى الا بعض البلاغات عن اماكن بعينها فكتب عن فلان
وتوقفت امام عبارة بلاغ عن بدو سيناء وتسائلت لماذا لم يكن هناك بلاغ من بدو سيناء وليس عن بدو سيناء
فمع احترامى لك اثق ان القليل من بدو سيناء من يتاجر فى المخدرات
فقد عشت فى العريش 12 عام واثق فيما اقول
*******
هناك ايضا كلمة اخشى من خطورة قولها وهو انه يقال ان الاتجار فى المخدرات فى مصر تعتبر احد مصادر الدخل القومى وان هناك ضمن اجهزة الدولة من يشجع على هذا ... ويارب اكون مخطىء ...
**********
وكل تحياتى لك وللمشاركين بالحملة
كلنا معك في هذه الحملة الشعبية
شكرا لك
انا قلت لكل اصحابي
واحنا بجد كلنا فخورين بيك
الى الامام
مثلك يقتدى به
بارك الله فيك وسدد خطاك
واعانك على ما انت مقدم عليه
تحيتي
ربنا يبارك فيك ويجعله في ميزان حسانتك
فعلاً فكرة جميلة..
رائعة..
وهي على مبدأ " إن الله لا يغير ما بقوم حتى يغيروا ما بأنفسهم"..
أمنياتي من الأعماق أن تتم السيطرة ولو على جزء بسيط من هؤلاء الشرذمة حتى يكونوا عظة لمن تسول لهم نفوسهم أن ينخرطوا في هذا الطريق القاتل..
نريد جيلاً واعياً صحياً حتى نستطيع النهضة بهذه الأمة وهذه هي البداية..
بالتوفيق..
موقف ايجابى منك جميل جدا
انا حزين انى اطلعت عليه متاخر
فعلا المخدرات خطر يداهم الكثير من الشباب ويزداد باستمرار
ربنا يوفقك وتعمل حاجه
وانا لو قدرت اشارك باى حاجه مش هاتاخر
بحييك
الى محبى الفنان الجامد أوى و الأنسان الرائع أوى خالد الصاوى شاركوا مدونة عندليبيات تدعوكم لحضور لحفلها الذى تقيمه بمناسبة مرور عام على مدونة خلود... قيه تورتة ماتخفوش
اولا اشكرك يا انسان يا جميل علي اتصالك وروحك العالية ويارب دايما اتصل بيك في كل المناسبات السعيدة
........................
طبعا حملة ممتازة وان شاء الله اي معلومات هتبقي تحت ايدي هشارك معاكم في الحملة بس فعلا حملعه في وقتها
وربنا يكرمك علي ايجابيتك ويجعلها في ميزان حسناتك
تمنياتي بالتوفيق في هذه الحملة
بما اني خارج مصر الان برجاء اعلامي بكيفية مساهمتي في هذه الحملة
تحياتي
هكذا تكون الايجايبيه ربنا يوفق دائما
شكرا يا اخي و جزاك الله خيرا
وفقكم الله
باذن الله متحدون ضد المخدرات
ندعوكم للمشاركة بإستطلاع مدونة
وطـــــــــني
هل تؤمن بوجود فتنة طائفية بمصر؟
الحملة رائعة
واعلن انضمامي معكم
وياريت كمان ضد التدخين بصفة عامة
انظرحولك
د. خالد عزب
سؤال مهم
كيف يتم التعرف علي تجار المخدرات اصلا؟
مين عنده فكرة ؟؟؟
كيف يمكن ضبط واحد فيهم
وما هي الاجراءات العملية والقانونية لفعل ذلك؟
شوية شرح عملي الله يكرمك
جزاكم الله خيرا
عذرا للتحليق خارج السرب ارجو التضامن معي في حمله نقطه ماء تساوي حياه
تحياتي
صور الاجتماع التاسيسي للمدون خانه
حصري علي مدونه
لسه عايش
والمواطن المطحون
.: صور الاجتماع التاسيسي للمدزن خانه
ندعوكم لزيارة العدد الثالث من مجلة نفسنا
ولمن لدية هواية الكتابة ويريد المشاركة معنا نرجو منه مراسلتنا
nafsena@gmail.com
هذه زيارتى الأولى
بس ما شاء الله أكثر من رائعة
الحملة إيجابية جدا فعلا
ربنا يجعلها فى موازين حسناتكم
معكم باذن الله
موضوع مهم جدا جدا
انا بعتذر عن التاخير
علم وينفذ يافندم
محمد سمير
حبيبى مصطفى وحشنى بجد ونفسى اشوفك وزاسلم عليك الموضوع ده خطير جدا دا مش عايز حمله دى حملات والبلد والحكومه مشاركه فيه عشان كده ادعوك
اليكم هذه الفكره من مواطن ضاق به الحال أن يرى الظلم وهو
يجلس متفرج سلبى
لاننا مسلوبين حتى حق التظاهرو الاعتراض
لاننا يتم حكمنا بسياسة القمع و الظلم
حتى أصواتنا زوروها فى الانتخابات
ولان مصير من يعترض هو الزج فى السجون و التعزيب فى المعتقلات
و لاننا شعب عريق أبدا ما سلم للظلام والمحتال
لكل هذا اليكم هذه الفكره
فليبقى كل فرد منا فى بيته مساء يوم الثلاثاء 30 أكتوبر 30\10\2007
فليعلم العالم كله أن هذا الشعب يحكم من قبل سلطه جبريه غير مرغوب فيها
فلتكن انتخابات شرعيه فمن لا يؤيد سلطة الظلم فليطفىْ أنوار منزله فوالله لن نجد من ينير منزله الا هم و حاشيتهم
ولم ولن تطولنا أيديهم فهذه المره التظاهره من المنازل
**
فلتكن كل منازل القاهره مظلمه بل فلتكن كل منازل مصر مظلمه مساء
فليصور الاعلام هذا الحدث
انها مظاهره سلميه لنظهر مقتنا و اعتراضنا ووحدتنا
من التاسعه مساءً وليطفىء الجميع أنوار منازلهم,
فلتظلم مصر يومها كما ظلموا هم وكما أعاشونا فى ظلام
,ساعد فى نشر هذه الرساله مررها وحدث عنها ولنكن أحراراَ من الان
عندى تاج ليك يا جميييل
أرجو الذهاب ألى مدونه مكان فى القلب وأخذه
كره روعه يا صاحب البوابه
بالتوفيق
تحياتى
ملكش حل بجد
انت واحد ملكش حل ابدا يا ابني
ربنا بجد يحميك والله
ويقويك ويسدد خطاك يارب
ويارب كنت اقدر اساعدكوا من هنا في الكويت
هنا الدنيا بايظه خالص صدقني
ربنا يسسدد خطاك دايما
تحياتي يا اخي العزيز
أيه يا بطل يا همام أمبارح كان الأربعاء
طمنا عليك
أرجوك وأحكلنا بالتفصيل كل ألى حصل
لو سمحت فى أصرع وقت عيزين نعرف أخبارك أيه
أحنا أبتدينا نقلق طمنا
انا مؤيد تماما للفكره مع الاعتراف بهامش الخطا و اري انها فكره جديده و تطور في اداء المدونين
تحياتي
السلام عليكم جزاكم الله كل خير على الفكره دى
بس كان ليا استفسار عبيط شويه
ان فيه صيدليات مش بتبيع مخدرات بتبيع ادويه زى ادويه الكحه .. وبيبقوا عارفين ان اللى بيشتريها بيشتريها عشان يتسطل .... هل الصيدليات دى ينفع تكون ضمن الاماكن اللى هيتم التبليغ عنها ؟؟؟
ارجو الاجابه
فكرة جميلة جدا
انا نشرتها وسط اصحابي في النادي
الظاهرة دى بقت فعلا منتشرة بطريقة غريبة
و الغريب انه بقى الموضوع مش سرى خالص !!! بقى عادى لما يشربوا قدام الناس و لو حتى قدام ظباط الشرطة
انا بسمع انه فيه ظباط شرطة كمان بيشربوا !!! البلد باظت
ياريت فعلا الحملة دى تحقق الهدف و نقدر نوصل لأماكن الناس اللى بيبعوا القرف ده عشان هما بجد عايزين الحرق
تحياتى
السلام عليكم و رحمة الله و بركاتة
طيب فيه نقطة انا هقولها بصفتي نوعا ما متخصصة و دا من ضمن عملي كصيدلانية
فيه نوعية من الادوية اللي بتتسمي "ادوية الجدول " دي اللي بتضم الادوية المهدئة و اللي تناولها بصفة مستمرة يؤدي الي ادمانها و لها تأثير ضار جدا
الادوية دي مشددة و لازم تتصرف بروشتة و الصيدلية تختم فاتورة و حوارات جامدة و القانون بيتخذ مجراة لو اتعرف ان ادوية جدول اتسربت ...تمام
لحد هنا كويس
فيه بقي نوعية ادوية بقي خرجت من الجدول و هي ادوية الكحة و الادوية المضادة للحساسية و بعض الانواع من موسعة الشعب ... دول بقي زي ما بنقول بلغة السوق "بيضربوا" او "بيعملوا بيهم دماغ " يعني بيتسطلوا بيهم ... الادوية دي لو المتعاطي شرب الازازة علي بق واحد هيبقي تأثرها قوي فعلا كأنه مادة من المةاد المخدرة الحقيقية ... الادوية دي خطيرة و للاسف الشديد الصيدلية اللي انا فيها بتخرجهم عادي جدا بدعوي انهم مش في الجدول و انهم معليهومش شبه جنائية لكن انا ضميري مش مستريح للي بيحصل و ناوية اسيب الصيدلية دي في اقرب وقت ...
المشكلة اننا لو بلغنا علي حاجة زي دي مش هيكونف يه عقاب اساسا لان القانون مش بينص علي ان الادوية دي ادوية جدول رغم ان تأثيرها خطير , انا مش فاهمة ازاي الادوية دي طلعت من الجدول بجد ... ولا ايه وجة نزر الحكومة ...
خلي الشعب يخف و يقل علي رأي جميل راتب في فيلم الكيف ولا ايه ...
مش عارفة بس اديني قولت اللي عندي , و عذرا علي التأخر لان النت لسة داخل مي كام يوم بس
الى الامام دائما
ذاد الله من نجاحكم
The purchase of weapons for Mubarak to the Bush terrorist will be for making peace, or will be for taking the American terrorism for the Egipto?
The great people of the Egipto that is intent.
Of these two cannot come nothing of good.
David Santos (Portuguese)
Interessante blogue.
Nice blog.
I live in PORTUGAL
bye
Paulo
انا كل يوم
بسمع اخبار جميلة
الله اكبر .. ستطهر مصر
بجد ربنا يبارك فيكو
انت انسان محترم
انا بعت عن منطقة كفر الشيخ
غادة
صباح الخيييييييييييييير
بص يا ريس هو الموضوع جامد جدا
بس لا مؤاخذه يعني لازم حضرتك ماتاخدناش علي قد عقلنا فلازم تقولنا لما نقولك علي اسماء البني ادمين دول هتعمل بيها ايه
بص يا سيدي
اولا انامن ميت عقبه والكلام اللي قالته صحبة مدونة في
القلب علي لسان السواق ده مش صحيح
هي بتقول ان مافيش بيت في ميت عقيه الا لازم يكون في حشيش
وده غلط لان القله بس في ميت عقبه
هما اللي بيعملو ا كد ه
وده لان اللي بيتعاطي الحشيش ده لازم يكون مرتاح ماديا عشان هو غالي مش رخيص
وميت عقبه منطقه عشوائيه فيها فقراء كتير
وبناء عليه فنا بقولك ان ميت عقبه مقسمه فيها جزء فعلا بيتاجر في الحشيش ومعروف
مكانهم واسماءهم
بس الجزء الاكبر منها مقسوم نصين ناس بيبعوا البانجو ونا س بيبعوا البرشام
طبعا نسبة الناس اللي بتشرب لا تعد ولا تحصي ده احنا بنتكلم عن اللي بيتاجروا بس
طيب اكيد هاتوقلوا وانت فين دورك
اولا احنا عملنا القصه دي قبل كده لغاية ماعرفنا ان الناس دول محميين عارف يعني ايه محميين يعني بتوع الشرطه بياخدوا منهم فلوس شهريا عشان الشرطه تسيبهم علي راحتهم
والشرطه والله العظيم عارفينهم وعارفين الكبار بتوعهم قبل الصغيرين
عموما عشان اخلص ضميري انا هابعتلك كل المعلومات عن البني ادمين دول
بس ياريت تقولنا عملت ايه بيها
مهما قلت.. فلن أوفي مقدار فخري و فرحتي بهذه الفكرة
ورغم التاخير لكني سعيده جدا أن الحملة لازالت فعالة و أنا معكم فيها
ٍسأسأل و أتاكد و أبلغك وكلي شكر وامتنان لك
فهي ظاهرة كئيبة ..كم أكرهها و أكره إنتشارها بين شباب ورجال بلد في أوج إحتياجها لهم
You are making news headlines guys. See here: http://www.emaratalyoum.com/ArticleImageEx.aspx?article=11_08_2007_032_005_001&type=2
الله يحفظ الجميع من لآفة المخدرات
ويبعد عنا ولاد الحرام
تحياتي
الكويتي
hamdool
Post a Comment