- محمد الجرايحى said...
السلام عليكم ورحمة الله وبركاته
كلماتك والتى خرجت من قلب صادق
وقلم واع أوجعتنى وآلمتنى كثيراً
كما ولكنت أكتشفت الآن فقط أننا مهمشين مخدرين فاقدين الوعى
وإلا كيف ارتضينا هذا
-----------
- Monzer said...
-
ولما نحس اننا بقينا غرباء فى بلدنا
ولما نحس اننا عجزنا بدرى
ولما نحس ان وقتنا انتهى
ولما نحس اننا مالناش قيمة
كفاية كده يا صاحب البوابة كفاية بجد
ههههههههههههه
-----------
- بنت الحقيقة said...
-
بجد انت فعلا بقيت تؤلمنا جدا
حرام عليك
كل مقالاتك بتوجع قلوبنا
ايوة كلامك صح
لكن خلاص كفاية بقى
على فكرة انا بحترمك فعلا بس مش قادرة اتوجع كل شوية
بوست محبط و مؤلم.. و جامد
و مباشر جدا
تحياتي يا غالي
-----------
- smraa alnil said...
لنا الله
-----------
- R.R said...
اخترقت روحى واصابت قلبى
-----------
- oOo_Mariam_oOo said...
-----------
فى القلب said...
والله أنا الدموع والوجع ده وجعنى أوى
بصراحه أنتى حسستنى بالعجز
مش عارفه أخفف الألم ده أزاى
-----------
د/ وائل فتحي said...
بجد احنا تعبنا
وعلى رأي اللى كتب هو النكد ورانا ورانا ؟
حاول تحط بوست مفرح مرة
بجد احنا تعبنا معاك
-----------
هذه المرة أنا أعتذر لهم
لكنني قبلها سأشكرهم
فلقد جعلتني تلك الكلمات
التي اقتبستها من تعليقات زواري الكرام
على عدة مقالات لي
جعلتني أعيد التفكير كثيراً
في جدوى تدويني
ومدى تأثيره
-----------
أصل المشكلة
أنني أعشق تراب ذلك الوطن
أغار عليه
أحبه
ألتمس النهضة له
لا أطيق كلمة واحدة عليه
أتمنى أن أراه خير الاوطان
وأحلم بأن أرى شبابه
يسيرون شامخي الرؤوس
رافعي الجباة
معتزين بوطنهم
وفخورين بإنتمائهم له
الذين صنعوا نهضته بسواعدهم
لم أكن أهدف يوماً
أن أحبط شبابه
أو أحطم آمالهم
أو أقيد أحلامهم
بل لم أكن أتصور يوماً
أن كلماتي قد تكون السبب في إنزوائهم
أن نقدي قد يكون السبب في إنطوائهم
أن قسوتي قد تكون السبب في إحباطهم
لكن ما في وطني من السلبيات
يحبطني
يقتلني
يؤلمني
وهذا ما يجعل كلماتي قاسية
أنتقد وطني الجريح
قبل أن يتجرأ عليه لسان أحدهم
قبل أن يمتد اليه طرف أحدهم
قبل أن يتهكم عليه أحدهم
أنتقده أنا بقسوة لكن بأدب
بدلاً من أن يهجوه غيري
بإساءة أدب
أو بلا أدب
لكني في النهاية
ولأنني لا أخجل من اعلان الحقيقة
أدركت أنكم فعلاً على صواب
وانني أرى الأمور بمنظار قاتم
أقسو على وطني
بدون ان أقدم له الحل المناسب
أهجو ناسي وأهلي بشدة
بدون أن أعدل لهم الخطأ
أو أقدم لهم البديل الجاهز
أنتقد ثم أنتقد ثم أنتقد
وكأن النقد هو النهاية
وكأن مهتمي قد انتهت
وأبات مرتاح الضمير
هانئ البـــــال
لكن هذه المرة
أنين ألمكـــم الدفين
الذي أطل بين السطور
قد أظهر لي الحقيقة
وأوضح لي الصورة
لذا فتقبلوا أعذاري
فإن حب ذاك الوطن
في تلك المحنة
في ذلك العصر
لا يقتضي
كلام النقد وحده
وانما يقتضي
البدء حالاً
في صناعة مجده
مجد وطن جريح
ما زلت أحبه
وسأظل أحبه
لذا فإنتظروني
فمن الآن
في كل نقد ستجد حلاً
وحلولاً
ستجد بدائل عملية
وطرقاً علمية
ستجد الداء وبجانبه الدواء
من الآن
لن أوجع قلبكم
بل سأزرع الأمل في قلوبكم
سأبذر بذور العزة في أفكاركم
فإنتظروني
وشاركوني
فالوطن الجريح ينتظرنا
نحن صناع مجده
وبناة مستقبله
فإبــــدؤا الآن
وإلى الأمـــــام
78 comments:
ممكن تسمحلى ابدأ معاك بالزرع
احب اسيب اول بذره عباره عن قصيده
كنت كتبتها زمان
إقتلى فيّا الدموع
وإخلقى فيا الرجوع
عيشينى بنبض شاعر
بين شوارعك والنجوع
مدى نيلك جوه قلبى بالحنان
إمسحى الاحزان مع الازمان كمان
مدى ايدك جوه شعرى
حطى نفسك بين مشاعرى
طبطبى على ظهرى يمكن
يتولد بينا المكان
مصر ياأما
إقتلى فيا اللى فات
واقتلى فيا الممات
بكره حزرع سنبله فى كل الربوع
إسمعينى ... كلمينى
ولعى بإيدى الشمــــــــــــــــــــوع
احببت ان اشكرك على ثقتك فيا واحب ايضا ان احييك على موقفك فمصر الان تحتاج الى من يعالجها بالحب
وما اروع من ان تحب مصر فيكون قلبك على قلبها وان تكون رومانسيتك لها وان تبحث لها عن حلولا ان تحولك هذا يعبر عن فكرى واتجاهى الذى انا عليه منذ ثلاث اعوام
انا تركت كل عنف ونقد وهجوم وبدات بالتسامح والبحث عن حلول انا استطيع الان ان اسامح اى شخص ولو كان ظابط الامن اللى منعنى من دخول انتخابات اتحاد الطلبه ولو كان الطالب الذى قطع استمارة ترشيحى كأمين اتحاد طلبه منذ عامين ولو كانوا الاشخاص الذين هددونى وضربونى لكى اتنازل عن تشكيل جبهة انتخابات على ستوى الجامعه
انا مستعد لأن اتسامح مع حبيب العادلى وجنوده وكل الناس بالرغم انى والحمد لله لم اقع معه فى مشاكل ولا مع جنوده
انا استطيع ان اتسامح مع الجميع وان اتحدث معهم فقط اقول لهم مصر لكل المصرين مصر جميله وحلوه وزين مصر هتفضل تولد ابويا واخويا وعمى وجدى وستى فى كل انين
فلترفعها دعوه للتسامح والحب وتكون مدونتك بدايه لتشكيل جبهه فى حب مصر
الله يسامحك يا مصطفى خلتنى اتكلم فى السياسه وانا مبحبش اتكلم فى السياسه
في كل نقد ستجد حلاً"
وحلولاً
ستجد بدائل عملية
وطرقاً علمية
ستجد الداء وبجانبه الدواء
من الآن
لن أوجع قلبكم
بل سأزرع الأمل في قلوبكم"
جميلة أوى الحتة دى
و كده حضرتك وصلت المعنى
معاكم و متايع
على بركة الله
أيوة كده
لحد امتى هننتقد
ومين هما اللى هيصلحوا
ومين اللى هيحطوا الحلول
فإن كان لابد وان ينال احد هذا
الشرف
فلنناله نحن
احب احييك على اعترافك بشئ انت اعتبرته خطأ وانا شايفه غير كده انت لما كنت بتنتقد حاجات بتحصل ف بلدنا فده مش صوتك لوحدك ده صوت ناس كتيير اتحبس صوتهم من الكبت والخوف وبرغم انه ف معظم الاوقات كان مؤلم الا انه الحقيقه اللي اتعودنا اننا نزينها لحد ما اختفت ورا الزينه وبقينا شايفيين الالوان والمنظر الخارجي الجميل اللي بيخبي وراه مستنقع
فببساطه انت جيت شيلت الزينه فظهر المستنقع بكل قاذوراته فاحنا اتفاجئنا واتصدمنا
ده بالتحديد اللي حضرتك عملته
ومش بس كده انت حسيت باحباط الناس من ازاله الزينه من المستنقع فكمان هاتبدا تحاول معاهم انه بدل مانبكي على المنظر الزائف هاتبدا معاهم -وانا منهم -انه نزيل المستنقع ونحوله لمكان جميل ف الباطن مش ف الشكل بس
فانا باشكرك اولا انك شيلت اللي كان قدام عيوننا جميل وهو وراه دوامه هاتبلعنا وثانيا اننا هانبدأ مع بعض نصلح من المكان اللي كلنا بنحبه
يا رب وفقهم ووفقنا
خالص تحياتي
يا صديقى الغالى
ويا مثلى الأعلى
ويا من أردت أن اكون دوما
يا من أردت أن أرى كل شباب مصر مثله
والله هذه ليست بمبالغة
ولكنه تقرير واقع وهذا ما أشعر به حقيقة
تأكيد يا صجديقى الغالى أن هذه الكماتان كانت تؤلمنا ولكنها تذكرنا دوما بمقدار الألم وتحثنا على البحث عن العلاج وهذا ما نريد جميعا
فالألم يدفع المريض دوما إلى طرق كل السبل المتاحة ليكى يجد حلا وعلاجا لآلامه، وإن دفع أثمان باهظة فى سبيل ذلك
وتاكد يا أخى أن النظام الذى نعيش به يريد تكريث الألم ويجعلنا نعتاد عليه
ولكنك بكلماتك تلك تعيد فتأ الجراح واتلذكير بها دوما حتى لا ننسى ولا نغفل ولا نعتاد
يا اخى الغالى ، أعلم أنك تؤملنا لكى نتحرك وبالفعل نحن نتحرك معك وبك فى كذا اتجاه وأنت تعلم ذلك جيدا
نذكر يا أخى حمنصبك الجديد
تذكريا اخى مجموعننا الوليدة
تذكر يا اخى كل هذا النشاط
دام لنا قلمك الذى تعلم أنه ينير لنا الطريق
آخر تحية أنك تأخذالتعليقات بعين الجد، وبها تعيد ترتيب البيت والأوراق
دمت لنا بكل خير
وجزاك الله عنا كل خير
جميل جدا احساسك ده
و جميل ان حبنا لوطنا يتحول لشئ ايجابي بدل ما نلعن الظلام كل يوم
نظرتك الجديدة أكيد هتكون مفيدة إن شاء الله ليك أولا و بالتالى هتعود على كل شئ بتعمله في حب بلدنا
أحييك بشدة على الاعتراف بالحق و عدم الخجل من ذلك لأن هذا من خلق الرجال الحقيقيين
...و نصيحتى لحضرتك و أتمنى أن تقبلها ألا تتراجع عن ما توصلت له ...لأنك بالطبع ستقابل أشياء كثيرة محبطة و ساعات هتحس ان مفيش فايدة لما تكون انت بتبني في سنة و فيه ناس بتهد في ثانية لكن الأمل لا غنى لنا عنه إذا كنا نريد الخير بحق لأمتنا
أشكرك بشدة على ثقتك و أمنياتي لك بالتفاؤل الدائم
كونك تغير مسيرتك واسلوبك فى التفكير وتخلع النظاره السودا دا يبقى كويس قوى
ماينفعش اننا نفضل على طول نبص للسلبيات
الايجابيات كتير قوى بس احنا مش عاوزين نشوفها
عارف ليه؟؟
عشان احنا شعب كئيب مش اكتر
اتمنى ان القرار ده يكون فاتحه خير وبدايه لمرحله تفاؤليه جديده
السلام عليكم ورحمة اله وبركاته
جزاك الله خيرا يا باشمهندس
احييك علي هذه الشجاعه الادبيه
ويارب يعننا جميعا ويوفقنا للوصول الي حلول لكل المشاكل
سلام عليكم
يااااااااااااه ..اخيرا لقيت اللى يفهم قصدى ..
اخيرا
دايما من اول ما عرفت المدونات وانا بقول النقد مش هو الحل ...
ما كانتش بتعجبنى المدونات اللى بتقعد تنتقد وتشتم وتعيب من غير حلول
بس بجد انا اشكرك انك وصلت للنقطة دى وعرفت تعبر عن اللى كنت عايزة اقوله
احييك
سلام عليكم
كدا يبقى حضرتك تمام وماشي في السليم
كلما كنت أقرأ كلماتك اشعر بالحزن والأسى على هذا الوطن .. الكلمات كانت تلهبني وتلهب حماستي لأفعل شيئا
ولكن ماهذا هو الشيء؟ انت لم تذكر؟!! تتركنا عند هذا الاحساس بالألم .. لكن ألآن سوف نرى رؤية أوضح وحلولا عملية وموضوعية .. أحيي حضرتك فعلا ونحن متابعون دوما
اسمح لى اختلف
ليس انت من تحطم شباب هذا الوطن و تدمر آمالهم
كل مؤلم جئت به و كتبته
هو حقيقى و ليس من صنع الخيال
من واجبنا عرض الحقيقه دون تزويق
عرضها بقسوتها
حتى يعلم الجميع الواقع الذى نعيشه
الخطأ ليس خطأك
يمكن اكون بقول كده لأنى بتفق معاك فى الرؤيا و وجهة النظر
على كل حال فأن كلامك يدل على حبك الشديد لوطنك
معلش يا اختاه .. الموضوع مش موضوع تحطيم وتدمير وماحدش بيقول كدا.. انا ذكرت ان الكلام كان بيلهب الحماسة .. ايوة بيولد الحزن لكنه بيولد الرغبة لعمل شيء ..
اذن هذه الخطوة من اخونا الفاضل انما هي خطوة لتكون الصورة اكثر وضوحا وشمولا وموضوعية
مش عارفة ليه حبيت اعلق بس على النقطة دي .. وربنا يبارك فيكم جميعا
جميل وجزاك الله خيرا انك أخذت بالك لعلك لاحظت غيابي عن التعليق على بعض التدوينات لك ولم يكن ذلك أني لم اقرأ بل قرأت كل تدويناتك ولأني لم أكن مقتنعا فعلا بأنها مجدية حيث أن الكلام العمومي المحبط على مشاكل كلية كبيرة قد يوحي بأن ليس لها حل أو يعصعب على النفوس التفكير في الحلول
سوف نحاسبك دوما على هذه التدوينة
بارك الله فيك
تعرف؟
آخر بوست قريته عندك بجد أنا بكنت بتألم أوي ومعرفتش أقول حاجة
لكن البوست دة خلاني فرحانة أوي أوي
فرحانة لأنك انسان محترم جداً
ربنا يكثر من أمثالك
لأن مصر مش هيتصلح حالها أو تنهض أو تبقى فعلاً مصدر فخر وعزة لنا كلنا من غير ما نبتدي احنا من نفسنا ونشوف عيوبنا ونصلحها
انت ابتديت بنفسك...المفروض كلنا نبتدي بقى
انت اديتني أمل بجد
مع إني عمري ما فقدت الأمل بس المكان كان ظلمة ودلوقتي نور
:)
بالتوفيق إن شاء الله
إلى الأمااااااااااااااااام
:)
نوني
الى الامام اخى
مادامت لم تزل تنطق بالحق الحناجر
ما دام يصدح بالصدق المنابر
اخوكم
ابو مفراح
الى اخى العزيز صاحب البوابة
لماذا تقسوا على نفسك بالشكل ده انا شايفة انه الانسان مش هيكون سعيد طول ماهو عايش فى الخيال ومش قادر يقتنع بالواقع اللي حواليه الواقع اللي بيجبرنا على الاحساس بالحزن والكأبه ده لو كنا حقيقي غيورين على بلدنا وخايفين عليها وعلى مستقبلها زي حضرتك بالظبط وزينا كلنا وبعدين مين اللي قال انه حضرتك مكنتش بتقدم الحلول للمشاكل دي انا شايفة انه حضرتك كنت بتعمل حاجة افضل وهى انك كنت بتصورلنا الموضوع فى شكله الحقيقي من غير ذواق ومن غير متعيشنا فى مجرد احلام ورديه ولذلك حضرتك سبتلنا احنا التفكير فى الحل يعني بدل ماحضرتك تلوم نفسك على عدم تناول حل للمشاكل اللي فى بلدنا مباشرة لاااااااا حضرتك المفروض تلومنا احنا على عدم التفكير فى الحل مع بعض ونرسله ليك في صورة تعليقات على كل موضوع علشان نخفف على بعض احساسنا بالحزن ثم انا شايفة انه كل ماأسلوب كل مدون اختلف كل ماكان عرض الافكار افضل كمان تناول الموضاعات باسلوب حضرتك ده ممكن يكون بيضايق ناس لكن انا متأكده انه بيفوق ناس اكتر من الغفله اللي هما فيها وانا شايفه انه هو ده الهدف الاهم من كتاباتناولو كانت دي وجهة نظري ...المهم يأخي الفاضل كمل طريقك ومش غلط برده انك تغير من اسلوبك ده بس لو كنت انت اللي شايف انه لازم يتغير لكن مش تغيره ارضاء لحد مع احترامي لكل المدونين .انا شايفه انه كل مدون عمل مدونته علشان يعرض افكاره واحاسيسه وكل ماهو بداخله وكمان اكيد فيه مدونات كتير مرحة وبتضحك وبتفرفش الواحد لكن لمجرد لحظات والدائم هو الحزن فى القلب يعني ياجماعة معلش حبه كده وحبه كده. والحلول ياجماعة ياريت نفكر فيها مع بعض مش كل واحد لوحده كل واحد يعرض المشاكل اللي هو شايفها والحلول نعرضها مع بعض ويريت نعمل الفكرة دي فى المدون خانه طالما كده كده هانتجمع
ده رايي ياخي ولو كان ممكن يزعل حد مني بس انا بفكر كده لانه خلاااص احنا فاض بينا من حال البلد
ربنا يباركلك ويوفقك ويعينك كمان وكمان على حب بلدك يعني ربنا يزيدك ايمان كمان وكمان لانه زي مانت عارف انه رسولنا صلى الله عليه وسلم قال ان حب الوطن من الايمان
ومعذرة على الاطالة
السلام عليكم
تعديل المسار مطلوب وانا معك فى انك احيانا كنت احس فى كتاباتك انك تنقد من اجل النقد ولكن فعلا كان فى احساس موازى ان ده من دافع عشقك لوطنك جميل اوى انك تراجع نفسك وتعدل مسارك
أحيانا تكون القسوة
أبلغ من القول اللين
وبصراحة
ماعاد اللين ينفع
وليس معنى ذلك أن نقسو على الوطن حنى نخرج خارج ما نريد ..
تحياتي يا صاحبي
... مزاجات
حزاك الله خيرا...وربنا يثبتك ويوفقك وبجد
شجاعنة ادبية تحسد عليسها
لا يا اخي
يجب ان تستمر
يجب ان ترفع رأسك
يجب ان تدون وانت مقتنع
وفقك الله
ماشاء الله
جميلة الروح دى :)
ربنا يكرمك على شجاعتك :)
3حلول
حلول
بصراحه قعدت وأنا بقرأ كلامك
أتسائل ما هي الحلول التي نستطيع نحن كشعب لا يملك أي صلاحيات في بلد قيدت كل الحريات وإقتصرتها ولخصتها في مجرد سطور وكلمات
إنظر إلي حرية الصحافه علي سبيل المثال
دور الصحف المعارضه أو المستقله هو النقد وفقط النقد لأوضاع لا تحتمل
ولا تملك أمامها الصحافه غير النقد
وماذا أمامها غيره؟؟
النقد الذي أعتبره نوع من التنفيس لما يغلي في صدورنا جميعا
المدونات أيضا كذلك بداية من الوعي المصري التي أحترمها كثيرا إلي كل المدونات التي أخذت شكل سياسي
لا أريد أن أكون متشائمه أكثر من ذلك
وأقولها لك كله كلام
لأني أري أن بدون هذا الكلام لمات هذا الشعب إن لم يخرج شحنة الغضب
وحكومتنا تعي هذا جيدا .. لذا تركت كله يتكلم وهي تفعل ما تريد
أعتذر لك إن كان كلامي محبط فأنا تحدثت عن نفسي فلم أجد لدي حلول وأنا أشعر أني مقيده ولا أملك غير مدونتي أتكلم فيها وفقط أتكلم
لعلك تكون مختلف
لعلك تجد تلك الحلول
في زمن تصعب فيه الحلول
أحييك علي صراحتك مع نفسك ومع من حولك
سلامي ليك
كلنا لازم نحاول نفعلا...
بس صدقنى لو كل حد ابتدى بنفسه فى شغله ..الدنيا فعلا هتتغير للا حسن..
بجد دينا وبلدنا محتاجين الناس اللى زى حضرتك..فعلا
لك منى كل الاحترام...
وياريت الواحد يبقى على قد المسئوليه..
سوف احكى لك قصه حقيقه حدثت داخلى داخل عقلى
قبل دخولى عالم التدوين كان هناك سوال مهم جدا وكان هذا السؤال يطاردنى مطاردة الاسد لفريسته
وبدا هذا السؤال عام 2003 بتحديد مع غزو امركا لعراق
سؤال هو
اذا حدث فى مصر لا قدر الله غزو واحتلت البلد مثل العراق فهل هناك من يدافع عنها
كنت ابحث عن هذة الاجابه على الساحه السياسيه
هل الحزب الوطنى الذى كله رجال اعمال ومع اول طلقه لحرب سوف يهربه خارج مصر
هل باقى الاحزاب التى انحصرة بين شقه لحزب وجريدة لا يشتريها احد
االاحزاب التى بينها وبين الشعب مسافه تكفى لبتلاع الشمس
هل الاخوان المسلمين وصراعهم المستمين مع الحكومه على الكرسى
لا اعرف
ولكن بعد ان تعرفت على المدونين تاكد ان هناك شباب ممكن ان يكون هناك امل فيهم ممكن ان يعيدة الامل من جديد هذة الاجابه عثرت عليها يوم وقفه المدونين
بتحديد يوم 20 / 6 / 2007
الان انا اعترف انه هناك امل
وهذا الامل خرج من حاله الياس التى نحنو فيها خرج من كلمات
يحبطني
يقتلني
يؤلمني
التى ذكرتها
نعم امل فى التغير وامل فى الغد خرج من هذة الكلامات فلا تبتائس فانت الان عثرت على ضاله المجتمع المصرى
هو الامل الذى يحلم الشعب ان ياتى بعدل معه
وانا اعتب عليك حيث انه لا يجب ان تعتذر بل نحنو الذين يجب ان نشكرك
امضاء
صديق الكفاح فى جيش المدونين ورفيق سلاح القلم
احمد الجيزاوى
سبحان الله تعرف انا كمان كنت بفكر ايه فايدة توجيه انتقادات مننا جميعا كمدونين من دون حل وهل كل ما ننتقده نحن بعيدون عنه وهل كل ما ننشده فى الحكومة او فى من حولنا نحن نطبقه ونحن اهل لتوجيه هذا النقد اسئلة يجب ان نجيب عنها بصدق لذا فعلينا جميعا اخى ان نقدم حلول بل نعمل على الحل نفسه وان ننزل ونغير ونتحرك الكلام وحده لا يكفى ولا يغير ولا يجدى وبالفعل لا يجلب الا مزيد من الياس وفقدان الامل والاحباط انا لا اعنى كلامك اخى بل كلامنا جميعا كمدونين يجب ان نتحرك ومن يتحرك غيرنا نحن من زعمنا حب هذه البلد نحن من زعمنا كرهنا لكل من يعاديه نحن من خرجنا من وسط هذا الشعب باسره لنقول لا فى زمن خرصت فيه الالسنة وصارت كلمة الحق عزيزة فمن سوانا يتحرك
بص يا حبيبي رأيي إن الكلام الكتير جدا
عن مشاكل البلد
لازم يولد في الآخر نوع من اليأس
مهما كانت الأسباب والدوافع
نعم نحتاج أحيانا .... لأن نقف أمام الحقيقة العارية ...بدون أي عمليات تجميل لها
لكن نحجتاج أيضا لبعض الفرحة ولو كانت حتى ظاهرية..وغير مجدية
....
أيضا هناك فرق بين أن تتكلم عن عدم جدوى حل مشكلة معينة في الوقت الحاضر
وبين أن تعممها على حياتنا وأننا أصبحنا عجزة..ونحن بعد في العشرينات أو قبلها..
بين أن تتكلم بموضوعية حزينة..وبين موضوعية يائسة
....
طولت عليكم :D
....
سلامو عليكم
السلام عليكم بجد بوست جميل يبعث الامل والتحدي , وما ننساش ان الله يبغض البؤس والتباؤس , ولا يأيس من روح الله الا القوم الكافرون , بجد بداية طيبة منك واحنا كلنا ان شاء الله معاك ربنا يوفقك مدونة جميلة واتمني تشرفني في مدونتي تحياتي
السلام عليكم
سير يا حاج واحنا وراك
انت بقيت مناضل ثورى ولا ايه
ولا تكنش زعيم شعبى
يابنى دى عايزة وقفه من الامه بحالها
انا عارف ان البدايه لازم تكون مننا
بس ربنا يوفقك
ويثبتك
ويتقبل منك
السلام عليكم
أعانك الله على فعل الخير
لا تنسانا من الدعاء
وجزاك الله خيرا
قلمي معك في نقدك وفي حلولك زلا داعي للاعتذار او حتي الشكر فنحن جيل واحد يبحث عن حل
ما شاء الله
أروع من الرائع يا باشمهندس
بالفعل أحييك جدا للغاية و بشده على الايجابية دي
كثيرون من نقاد التدوين يعتبون على المدونين كونهم يقدمون النقد بلا حل
بالفعل .. لك تحية
و لعلنا نقتدي بك قريبا
سلاام
انا سعيد باحساسك هذا قليلا هم من يشغلون نفسهم بهموم الوطن
الحقيقة ان حبى لمصر كان هو المحرك الاساسى لى فى القراءة والثقافة والعلم
وانا الان غاضب من كل شى حولى التخلف الذى نعيش فية والفقر والظلم وسيطرة رجال الدين على العقول
شجاااااااااع
عزيزي صاحب البوابة .. يبدو أنك ستشعل شموعا كثيرة بعد لعنات الظلام
حينما تغيّر النظرة المتتبعة للسلبيات وتبحث عن الجمال فستجده مهما يكن
أحيانا يكثر النقد فيتحول إلى تذمر وتضجّر لا فائدة منه
الفرق بينهما ليس سوى شعرة أنت تدركها بالتأكيد
تحياتي لك ولكل المصريين
:)
بعد اذنك يا درش
أنا عايزة بس أقول لحزين الله على القصيدة بتعتك بجد لمستني ما شاء اللع عليك
و عن اعتذارك صدقني بالنسبة لي جميل جددااا انك تعتذر بس اعتذر على حاجة انت كنت كاتبها خطأ
أنا مش شايفة البوست كان فيه كلمة خطأ...يا جماعة ما هي دي الحقيقة اللي بلدنا ما فيها ما ينفعش نجملها و لا نكتبه بطريقة مفرحة
أنا لما قولت ايه؟؟ هو النكد ورايا ورايا؟؟؟!!! ماكنش نقد خالص بل بالعكس درش عاررف كويس أنا رأي ايه في البوست ده
المشكلة ان أي حاجة بتتكتب عن البلد دي بتتكتب باحباط ليه؟؟ لأن ماعدش فيها حاجة عدله....يمكن العدل اللي فيها ان في ناس بدأت تتوعى كويس و تفهم اللي ليها و اللي عليها واللي اتسرق منها و اللي اتاخد من قدام عينيها...... و عيب عليك يا درررررررش البوست ده برضه هايل..ههههه
الحمد لله
انك قلت الكلام ده
انا فى اول ما قريت كنت هاعلق واقول لك طيب بدل ما تنقد بس انقد بس قدم حلول
سبحان الله
لقيت البوست اصلا عن كده
هو كده كويس
بس انا حبيت اسال سؤال ياريت لو تعذرنى فيه
هو حضرتك متابع مدونتى وكنت عايز رايي فعلا ولا ده مجرد اعلان زى اللى بييجو كل شوية
اعذرنى على الفضول
بس حبيت افهم
عزيزى صاحب البوابة
******************
انا مش عارفة الموضوع اللى كتبته يعنى اخدت فكرة عامة وانا من رأيى ان كل واحد له اسلوبه ومجاله اللى بيحبه انت بتحب الوطن والسياسة وقلمك مش بيستفزه غير احوال بلدك ومش بيقدر يسكت عاللى بيحصل فيها ودى حرية شخصية مش من حق اى حد يقول لك حاجة فيها , وفى حد تانى بيكتب عن حياته اليومية او اصحابه او عن الحب او الفن والناس دى مش لها فى السياسة ومنقدرش نقول لهم لا لازم تتفاعلوا مع الى بيحصل فى البلد وتكتبوا عن احوالها السياسة والاقتصادية انا مثلا واحدة من الناس معرفش اعمل كدة ومفيش حد يقدر يجبرنى على كدة ومش معنى كدة انى سلبية .. مش حطول عليك , عايزة اقول كل واحد يقرأ الموضوع اللى يريحه ويكتب فى الموضوع اللى حاسس انه يقدر يعبر عنه .. تحياتى لك
اضافه
مش لازم تلاقى حلول لوحدك يعني
كل حد متابع مدونتك يقرا المشكلة ولحلول اللى طرحتها طبعا ويضيف وبكده كلنا نحس اننا بنعمل حاجة
بس نفتكر ان كل كلمة بنقولها هانتحاسب عليها يعنى ماحدش يطالب بالايجابية ولما يخرج الشارع يشع سلبية
على فكرة اخر موضوع عند باشمهندس عصفور المدينة
جميل جدا
عن الايجابية و ازاى نعلمها لاولادنا
كمان الموضوع اللى قبل اللى قبله هاتلاقى فيه صورة شنطتين :)معلش بجد انا ذاكرتى ضعيفه جدا مش فاكره اسم الموضوع بس لو حضرتك قريته اكيد هاتفهم قصدي
:)
وجزاك الله خيرا
أهلا أهلا أهلا اهلا أهلا
كم أسعتنى
وأنا اقراء كلاماتك أحسست بالفخر والعزه هكذا هم أبناء وطنى يعشقونه حتى الثماله
مهما أنتقدو قسوته واحسوا بالوحده أوالخيانه
صاحب البوابه
نحن كلنا الوطن
نحن معك فى طرح المشكله وبثقتنا فى عقلك الواسع المحب للوطن
أى المحب لنا
سوف توجد الحلول
سننقشها معك
بكل الحب
وحتى إذا لم ترى النور الساطع
سنحاول تطبيقها على مستوانا الشخصى
حتى إذا فشلنا لن نيأس
فسوف نطرك حلول تنير الطريق
لمن يأتو بعدنا
فأنا أثق بأن نور الله أتى
حتى يغيرو ما بأنفسهم
وسوف نغير ما بأنفسنا
وسيكون وعد الله حق
أتكل على بركه الله
نحن معك نحن مهك
بص يادرش انته بجد بتفكرنى بكتابات كتاب كبار امثال خالد محمد خالد والشيخ الغزالى والاديب العبقرى سيد قطب يادرش وانته ببتتكلم عن الالم والعذاب باشعر بالامل وفقك الله ياخى ولا تحرمنا ابدا من اسهاماتك وكلامك الرائع الجذاب الاخذ
ايوة كدة
والله انت كاتب مرموق فعلا ومحترم جدا
بصراحة انا كنت عارفة انك بتحب مصر
لكن مكنتش متصورة انك بالعشق ده ليها
يا استاذي بجد انا بحييك
ياريت كل الناس بتفكر كدة زيك
وعلى فكرة انا لما قلت في تعليق ان مقالاتك بتوجعني
كان قصدي انها بتوجعني لانها صادقة
ولان الحقيقة دايما مرة
وانا زى ما كاتبة اسمى
انا بنت الحقيقة
وعشان كدة انا دلوقتي مؤمنة جدا بيك وبان مصر قادرة انها تتغير طول ما فيها امثالك
ياصاحب الاحساس الرائع والقلم الحر
تحياتي ليك من اختك وقارئتك
احنا لا نملك غير النقد والتعبير عن رفضنا للاوضاع
ممكن النقد يولد احباط ويأس...لكنه يحشد الناس في انتظار الامل
لعل الامل قريب
والله يا صاحب البوابه يا اخويا
جزاك الله كل خير
سلبيات المجتمع واضحه مثل النار على العلم ومراراتها مثل العلقم فى الحلوق فلا نحب ان نجترها دوما
عسى ان يغير الله لنا طعما شهيا
طبعا فاهمنى.!!!!!!!!!!!!!ولا ايه؟
الأخ الفاضل
أتدري أني أسميتك بيني وبين نفسي صاحب بوابة الحلواني ، الذي بنا مصر بالطبع ، لذا فمهمتك هي البناء لا الهدم ، وأني أراك تعمل علي ذلك بكل حب وإخلاص
من هنا فإني أري أنك قد قسوت علي نفسك ، وليس علي هذا الوطن
فإن تنبيه الغافل قد يكون همساً ، ولكننا أمام وطن في غفوة عميقة للغاية لن يستيقظ بالهمس بل بالصراخ ، والصراخ العنيف
فاصرخ واصرخ ولا تتوقف
وقفك الله لما فيه الخير والصلاح
ابدا يا اخي والله لم تحبط
ربما افرط حماسك قليلا وتصورت نفسك وحيدا وتفردت بك الهموم
لكنك لم تحبطني يوما
كنت دائما منذ ان عرفت مدونتك اعتبرها صرخة
صرخة امل لا يأس
ربما واسمح لي اعيب فقط عليك استمرارك واصرارك علي النقد فقط
فربما تعرضت للكثير من الازمات قد تجعلك ناقما وناقدا دايما لكني ابدا لم ارك يوما تفقد حبك لها كما نحبها كلنا
وكم اسعدتني كلماتك عن حبها مصر وكم احسست بها رغم دموعك فيها
صدقني
انا واعلم انك ايضا واعلم انه مقصد كل محترم
ان يري مصر بلدنا بأفضل حال
حاولت كثيرا الابتعاد عن النقد والاوجاع في مدونتي حاولت ان اضيء فقط الشيء الجميل
واحاول ان انشيء مدونة عن مصر وده قلته في اول رد عندي في التعليقات علي اخر بوست
مدونة لاجل مصر
في حب مصر
عن حكاوي مصريه
عن شخصيات وتواريخ واماكن
عن اضاءات وناس محترمة وحاجات حلوة
البلد فيها فساد وفيها ناس كويسة
نفسي احس ان الكويس بقا اعلي من الفاسد
ياريت لو تكون معايا في حكاية المدونة دي لو تقدر
اعلم تماما انك لست ممن ينقدون لاجل النقد او يهاجمون لاجل الشهرة
يا صاحب البوابة
مدونتك محترمة وصادقة فرغم الهموم تشاركنا فيها
ورغم النقد والحزن والدموع كنا وسنظل معك
عذرك اليوم احترمه وتزيد انت احتراما في نظري ووفقك الله في مسلكك الجديد
فبلدنا ستصلح بالمخلصين
تحياتي ودمت بخير
جميل ان نتشعر بنبض التعليقات وتحسم مدى الام من مواضيعك التى لاتخلوا من الحقيقه والتى تلمس الاحساس بقوه تلفت النظر الى قضايا لابد ان نحسها ونعيشها
وجميل منك التجاوب السريع ورد الفعل المباشر فبالرغم من كونك غير مسئول اداريا عن وضع الحلول وكفاك فخرا ان تلفت النظر الى القضيه ومع ذلك تطوعت لتضع خيارات الحلول للموضوعات المختلفه
انا اؤيدك جدا
وتعاونا معاك ساحاول جاهدا اقتراح بعض الحلول فى تعليقاتى على كلامك
تحياتى
بص يا سيدى
ان كانت كتاباتك مؤلمه فهى مؤلمه لانها تعبر عن واقع حقيقى لمصائبنا ولكن ليس لك ذنب على انك تظهر الحقائق وتغير على الحق فهذا ليس بذنب على الاطلاق
انا دايما بحترم فى كتاباتك الصراحه والواقعيه
يجب ان تظل على ما انت عليه ولكن مع تقديم الحلول التى تراها مناسبه ومشاركة زوار المدونه فى حلولهم للمشاكل التى تتكلم عنها
وابقى نوع شويه يعنى مقاله كده ومقاله كده
وربنا معاك
وكويس ان الناس اتالمت فده يدل على انهم ادركوا حجم الالم اللى احنا عايشينه فده نجاح انت حققته انا بحييك عليه
واشكرك على وجودك فى مدونتى
وتحياتى لموضوعاتك وليك
وسلام
ياااااااه
انا بقالي كتير معلقتش عندك
ارجع الاقي كل ده بيحصل من ورايا
بس بصراحة
امسك الخشب
الكل اثنى على قرارك وايده
كلنا مع حضرتك لحد ما نغير وجه مصر
وبالمناسبة انا كل مرة بدخل مدونتك بشك انك مهندس
انت اكيد صحفي بالفطرة
")
عادي جدا ملوش لازمه الاعتذار اصلا لان كل انسان و له طبيعته يمارسها علي كيفه و حريته المطلقه و طالما انت شايف ان كلامك بالصوره النقديه فيه تفتيح لعقول ناس و فيه تصحيح لمسارات شباب خلاص يبقي تعمل اللي انت مقتنع بيه اما النقد الموجه لك فاعتقد ان كل معلق ايضا حر يعلق بما في نفسه بحريه و طالما باب المدونات مفتوح للجميع فانت حر و كل شخص حر
عيش علي طبيعتك و متغيرش اي شيء فيها طالما نت مقتنع باسلوبك الدنيا محتاجه كل الناس و كل الاساليب
تحياتي
ايوة كده
هوا دا الكلام
اديها تفاؤل
بس برده مش لدرجة نغمض عنينا عن السلبيات والمشاكل اللى فى الوطن
خلينا موضوعين
اللى يساحق المدح والاشادة اديله
واللى يساحق النقد حتى لو لازع اديله
بلاش نغمض عنينا ونبص تحت رجلينا
انا كنت ساعات ببقى عاوزة اقولك الدنيا بخير
احنا لسه فينا امل والبوادر كتير بس كنت اقول دى وجهة نظرك وانت حر فيها
وبصؤلحة يعنى كنت اخاف تقول ايه البت دى هيا مش شايفة الحال وتتريق عليا حتى بينك وبين نفسك
فانا بحييك دلوقتى انك قررت تشترى منظتر وردى وتبص بيه على البلد
اللى كلنا بنموووت فيها
من قلوبنا
ومن كل زرة فينا
تحياتى ليك
انطلق على بركة الله واحنا معاك
قبل التفاؤل ومن بعده كمان
حدوتة
çok güzel bir site.
الأخ والصديق الغالى الكريم
صاحب البوابة
السلام عليكم ورحمة الله وبركاته
نحن فى أشد الاحتياج لمن يضع أمامنا الصورة الحقيقة بدون رتوش
يكشف الغشاوة عن الأعين
ويوقظ القلوب والعقول
أحيانا كثيرة يكون الألم نعمة
ونذير يدق أجراس الخطر
لينتشلنا من السقوط فى الهواية
تقديرى واحترامى لقلمك الواعى
أخوك
محمد
زعلت لما شوفتك بتعتذر
انته مغلطش في اي شي قولته
احنا عيشين معاك في نفس البلد وشيفين كل الي بيحصل يمكن بنحاول نتنسى علشان نعرف نكمل
انته بتواجه
تعرف ساعت موضع القبض والاعتقال
هتلاحظ تعلقي عندك
خلي بالك من نفسك ومن اهلك
عارف كتير لما بشوف حد بيتعب وبيدافع عن فكره
بجد بيصعبب عليا
بحس اننا مانستهلش الي بيعمله ياعني
اهله ونفسه ومستقبله بيعمل كل ده ليه
علشان ناس مش حسين او مش حبين يحسو
يمكن كنت بشوف الموضع من نظره ضيقه
بس دلوقتي حبه اقولك
اكيد هنشركك
زي مافيه حجات بتخنقنا في مصر في حجات كتير بتفرحنا لزم ندافع عنها علشان متروحش هيه كمان
ونقف ننعي نفسنى ابل ماننعيها
هنفكر كلنا حتى لو مقدرناش نغير
التغير الي بنحلم بيه
على الاقل نقدر نجمل وقعنا علشان نعرف نعيش
ربنا معنا كلنا
انا زى اى مصرى يتعبه وسقسا عليه حال بلدنا وما آل إليه
ولكننى وبعد مناقشات عده مع زوجى - وجدنا بدلا من الغضب والثورة ونقد الأحوال من حولنا - قررنا أن نبدأ بأنفسنا - وأن نتحدى الصعاب- فكل شىء بأمر الله - والخير والشر والقوة والضعف دائما وإلى يوم الدين سيظلون فى صراعات إلى أن يشاء الله
على كل شخص أن يبدأ من نفسه فى احترام ما لدسيه وتقديم كل ماهو على نفس الوزن وحث جميع من حولنا على فعل الخير وإن كان صغير جدا لا يشعر به احد او يؤثر فى احد
فلبدأن من هنا انا وانت واصدقاءنا ومن ثم من حولنا ومن بعدهم المجتمع
أشكرك لمحاولة وضع الحلول ومناقشتها بتأنى بنقد خفيف ليس لاذع يضيق بصدر الآخرين فيشجبوا ويتباعدو اكثر فاكثر ويزدادو غضباً دون القدرة على التنفيس عنه - تحياتى وأمنياتى بتقد مستمر
سلامى --- هبة
فعلا ياصاحب البوابة احنا محتاجين نساعد بعض ونوقف جنب بلدنا اللى كلنا بنحبها وعاوزينها تكون فى احسن حال
احنا محتاجين نقف فى وش اللى بيسيطر وبيأذى بلدنا
بس لازم ندور على حلول
تحياتى على البوست الجميل وبوست الاعتذار
لأ انا مزعلتش انك اخدت القرار ده
ده قرار صائب وتمام مية في المية
واسمحلي انى اقول لاى واحد قرأ كلامك وقال انه زعلان انك اعتذرت انه كدة يبقى غلط
لأننا محتاجين ناس تقدم حلول بجد مش تنقد ليل ونهار بس
اشكرك لأنك اخدت الخطوة الى احنا كلنا خايفين ناخدها
:)
كلماتك اسعدتنى فعلا...
ماحدش يقدر ينكر انك فعلا صاحب قضيه وبتدافع عنها بقوة وكلنا موافقينك ..لكن كان فيه ثغره..
وانت اكتشفتها بنفسك ولقيتلها الحل بنفسك بردو ...
عشان كده انت تستحق كل احترام،
كلماتك صائبه واراحتنى كثيرا ،فلنبدأ بالبحث عن حلول ..فلاشك اننا نعلم عيوبنا جيدا...
كلماتك بعثت فى الامل
شكر واحترام
تحياتى
الكلمات عاجزة عن وصف إحساس الدهشة والفرح الذى غمرنى عندما قرأت كلماتك
لقد أحسست و لأول مرة فى حياتى أن هناك أمل و أن هناك أشخاص فى هذه البلد يحبونها بصدق ويغارون عليها
أهنئك أيها الأسد لقد نلت إعجابى منذ السطور الأولى وطالما هناك أشخاص مثلك فى هذا البلد فهى فى أيد أمينة
و أطلب منك أن تقرأ مدونتى لتعطينى رأيك الصادق فيها فآراء أمثالك هى التى أحترمها و أصدقها
أخى العزيز صاحب البوابة
انا شايف حضرتك ان الوضع فى وقتنا هذا لا يحتمل أى نوع من الفرح
لا يحتمل أى نوع من السعادة
وان كنا نطلب ذلك
فنحن غلطانين
انا معاك ان الموضوع مش لازم يبقى كله نكد
بس تقول ايه بقى
صلاح الدين عندما سُئل عن سبب حزنه قال كيف أضحك و القدس أسير
وكان حينها القدس فقط هو من تحت أيدى هؤلاء الكفار
أما الأن فالقدس والعراق و كل الدول الإسلامية تحت حكم الكفر
منها من هو إحتلال بمعنى الإحتلال ومنا ما هو احتلال فكرى و اقتصادى
ولا ننسى ان نضع فى اعتبارنا البلاد الإسلامية التى ضاعت تماما من أيدى المسلمين واصبحت قيد النسيان كالأندلس و بلاد ما وراء النهر وغيرها الكثير
أخى ان الأمر أسء مما يتوقعه الأخرون
جزاك الله كل خير
السلام عليكم
يصنع الحضارات شبابها وبالتضحيات تصنع الأأمم مجدها وحضاراتها فتنهض زاهية قوية علي أكتاف أبناءها الأشداء فإن قدر لنا أن نعيش في وطننا في هذه الفترة المظلمة أعتقد أنها منحه لنا قبل أن تكون محنه فهذه هي الأيام التي سيذكرها التارلايخ فيما بعد وستزدان بها كتب التاريخ أنها هي الفترة التي شهدت نهضة الأوطان عودة البنيان أنني عندما أتحدث هنا لا أقصد وطن دون وطن أو أمة دون أنة إنما أقصد جيل بلأكمله من شباب و أبناء هذا الوطن وأخواتنا في جميع الأوطان الإسلامية والعربية الأخري أعتقد أن الوقت قد حان لصناعه المجد ولكننا ربما ننتظر هذه الشرارة التي تضيء طريقنا ربما ننتظر فورة الأمل ةوالنشاط حتي تحركنا ولكن ليس للثورة وتحطيم الأصنام وإنما من أجل البناء والعمل والكفاح فلو حدث هذا لسقطت الأصنام من تلقاء نفسها بدون ولا معول واحد لهدمها أنني أحيك وأشركر وأرحب بك علي هذه النقله الجديدة فأنت أستطعت أن تقدم علي خطوة ربما لم يقدم عليها أحد قبلك فأنت فكرت فيما لام تفكر فيه ولا جماعه أو حزب من الذين يزعمون أنهم يريدون الوطن بألإضل حال فهم كل ما قاموا به كان أنهم نقدوا و حجبوا وشتموا وهللوا تظاهروا لا أقل ولا أكثر بينما الحل أفضل من هذا وأسهل وأيسر بكثير فهيا بنا نبني وطنا يضمنا جميعا أقول كم هيا بنا نبني مجدا
صديقي صاحب البوابة
أذكر اني قرات لك قبلا و ظللت اقرا لك حتى بعد اقفال مدونتي لاسباب شخصية
بغض النظر عن كتابتك أو الموضوعات التي تعالجها و التي كان معظمها عن حال مصر و الامة فإن قلمك كان يكتب بدمع الثكالى ، بدماء الشهداء ، حتى انين الفقراء و المظلومين استحال حبرا
فلا عجب ان تاثر في قلوب قرائك
حال امتنا يُبكي ... كثيرون لا يعلمون وغيرهم يتناسى ... جميل ان هناك من يذكرنا و يذكرهم من أمثالك
فأكتب دائما و ابدا من عمق الجرح الذي ينزف دما
دعوتك المتكررة دائما للنهوض لتدارك الوقت الضائع في زمن الغفلة لبعث مجد الأمة ورفع الراية ... ينبغي أن تستمر سراجا يضيء الدرب في لحظات العتمة
إن كنت قدوة ... فأنت قدوة خاصة في حب الوطن
ترددت كثيرا أن اعلق مجددا هنا ... لكني فعلتها
في كل الاحوال ارجو أن تعذرني و مهما كان اختلافنا كبيرا ، اتمنى أن استمر صديقا
و لك مني كل التحيات
:)
جميل ان الانسان يقف مع نفسه كل فترة يشوف وصل لايه و بيعمل ايه
و يغير من طريقة تفكيره عشان يحاول يوصل للاحسن
:)
جميل انك ادركت اننا مش هنستفيد اي حاجة من البكاء على اللبن المسكوب
لازم نتصرف عشان نبتدي نبني
مش مجرد ننقد اللي بيهدم
:)
ماعرفش ايه في مدونات حضرتك قبل كده معلش اول مرة اجي هنا
بس احييك على موقفك هذا :)
جزاك الله خيراً :)
تفكير منطقي ولحظة شجاعة نادرة
تحياتي يا حارس بوابة الوطن
هو ده الكلام ايوه كده تفاؤل + امل+حلول= نتيجه
اجمل شيء ان الواحد يكتشف ان اخطاء في شيء فيترجع و يعترف و يغير هكذا هما الشجعان تحياتي لك ايها الشجاع في زمن قلوا فيه الشجعان
و بلدنا مهما كان فيها فهي بلدنا و لازم نحاول نصلح فيها
بحبك و انتي ماطلع عيني بحبك مووووت ت ت
ربنا يكرمك و يوفقك
الشكر لك العمل وعلى درجة جيدة في عطلة نهاية الاسبوع
انا معاك جدا في النية دي والمباشرة بالبحث عن الحلول السريعه والمؤثرة
لكن بردو انا طبعا مش معاك فى عدم جدوى اهمية النقد المستقل الخالي من عرض الحلول
لاسباب كتيرة اولها طبعا بعيدا عن الاحباط هو المشاكل غير قابلة الحل
وتانيها ان عرض المشكلة لاكثر من متابع يعطي كم اكبر من الافكار لامتنوعه للبحث عن الحل
ثالثا وهو مهم جدا في هذا الوقت هو ان هناك قلة ساذجة مازالت تعتقد اننا نعيش في عصر نماء ورخاء الى اخر هذا الهراء السخيف وهذا النقد المجرد الذي تعطية يوضح الخلفية الحقيقية للوضع الحالي
تحياتي لك وموفق باذن الله فيماانتويت
جميل جدا كل دة لكن
(ان اللة لا يغير ما بقوم حتي يغيروا ما بانفسهم)
فهل بدأت بنفسك يا صاحب البوابة هل بدأت؟؟؟؟
(كبر مقتاعند اللة ان تقولو ما لا تفعلون)
فهل تفعل حقيقة ما تقول وهل تفعل عكس ما تنتقد (الوسطة-المحسوبيةوغيرها) لو كنت صريحا مع نفسك ستعلم انك صادق النية ولكنك هل يا تري صادق العزم
وتذكر دائما هل حققت فعلا التغيير الذي يجعللك اهلا لهذة الغاية حتي لا تقول ما لا تفعل
واقصي ما اخشاة ان تكون هذة المدونات مجرد دائرة مغلقة وحلقة منفصلة عن مجتمع ومعاملات كل مدون فهو فيها اقصي ما يكون من الايجابية بينما في الحياة الحقيقية عكس ذللك تماما وادعو اللة ان لاتكون هكذا يا صاحب البوابة وان كان فيك مثقال ذرة من هذا فارجو اللة عز وجل ان يعافيك منها
حتي لا تقع تحت مقت اللةوحتي تكون جديرا فعلا بان تكون مثلا يحتذي بة
اخوك مصطفي الدسوقي
و الله مش عارف اقول ايه
مش عارف الكلام هيبقى ليه تأثير على لواسه ولا بس مجرد تنفيس شخصي
اكتب اللي تحس بيه
كلامك أسعدنى، احنا فعلا محتاجين نفكر فى الحلول لأننا عارفين مشاكلنا فالمفروض إن أحنا نبدأ نتحرك حتى لو كل واحد فينا أتحرك مع نفسه المهم أنه يتحرك فى الاتجاه الصح
أخى العزيز صاحب البوابة :)
سعيدة جدا جدا بزيارتك مدونتى و حاسة أن كتاباتى كده ممكن يكون ليها قيمة
ليه أنا باقول كده ؟
لأنى بصراحة من يوم ما دخلت مدوتك و أنا حاسة أنى تافهة و ما عنديش دم، مش حاسة بالى بيحصل .. متبنجة فى زمن عبد الحليم أو قاصدة أتبنج و أهرب من زمانى المؤلم هذا
و احب أقولك أكتب براحتك و أعرض كل المآسى الى عندك خلينى أشوف شجاعتى المحبوسة و صوتى العالى المتسلسل فى مدونتك خلينا نقول كل الى فى نفسنا من خلال مدونتك انا واحدة من الناس باحسدك على شجاعتك و يا ريتنى كنت أمتلك ربعها
خالص تقديرى و أمتنانى
و أبقى خلينا نشوفك فى عندليبيات صحيح الى فيها مش مهم زى الى عندك بس برده أحب أقرا نقدك
وأنا أيضا معك
وكما قال الجميع
لأنك شجاع فإستمر وقدم حلولا تناسب الوطن العربي بأكمله
تحياتي لك ايها الشجاع
مش غريبه ان اكلام دا يطلع من واحد بنفس شخصيتك
اللهاكبر عليك بجد
ومش غريبه انك تنظر للامور بايجابيه وتجدد البصيره وتحي الاحساس جوه كل واحد فينا
مش غريبه انك تكون رمز وقدوه بجد نفسنا تكون عندنا روحك دي
بجد انسان يستحق كل الاحترام
تسلم ايدك يا اخي العزيز
تحياتي ليك
مجرد عدد الناس اللى اهتمت بالرد على كلامك المؤثر ده
اكبر دليل على انك مش بتهزر وانك ناوى تبقى وسيلة تغيير ولازم فعلا كل واحد فينا يبتدى من نفسه انت تبتدى وانا ابتدى وغيري وغيرك
كلنا نغير وجه مصر
مصر فعلا مش هتقوم غير بينا
المرة دى انا بهديلك بوكية ورد لشجاعتك ولقلمك اللى بموت فيه
الأخوة الاعزاء
السادة المدونين الافاضل
احب بداية أن اشكر كل من تفضل بإبداء رأيه على موضوعي
حتى لو كان رأياً سلبياً
ينقد فيه هذا ( التطور ) الذي أراه حتمياً في تلك المرحلة لمقالات المدونة
لكنى أجد أن الأمر قد اختلط على بعض الاخوة الأفاضل
فظن البعض أن هذا ( التطور ) يُعد تراجعا انهزاميا عن مسار المدونة في كشف الحقائق والسلبيات التى يعاني منها الوطن العربي
لكن هذا لم يحدث ولن يحد ابداً ان شاء ربي
لأنني قد عاهدت نفسي وجمهوري منذ اليوم الأول لدخولى عالم التدوين أن التزم خطاً موضوعياً يكون عماده الموقف الجاد والضمير الحي في كل ما يخطه قلمي
الذي ابغي به تقدم وطنى ورفعته
لهذا اردت في تلك الكلمات القليلة
ان اوضح المفهوم الاساسي الذي من اجله قمت بالخطوة التي اعتبرتها تصحيحا للمسار بعد وقفة مع النفس استشعرت خلالها ان تلك المرحلة في تاريخنا تستلزم حلولاً قابلة للتنفيذ تقدم بجانب النقد البناء الذي يكشف السلبيات بحرفية صحفية تحافظ على الموضوعية المهنية خطاً احمراً لا ينبغي تجاوزه بالتهوين او التهويل !!!
من هنا كانت الوقفة
وبعدها كانت تلك الخطوة
التي ستبدأ ونحن معاً
لنشكل بأفكارنا وأجسادنا معبراً قد يعبره الوطن ( بإذن الله ) في طريق الإصلاح والتغيير الذي نريده ونبغاه
تحياتي للجميع
الاخوة الكرام
حزيـــن
جمعاوى روش طحن
ياسر سليم
ولــــــــــو
Monzer
الحلم العربي
وينكى
خمسة فضفضة
لسه بعقلى
نـــــــور
mariam
عصفور المدينة
Noony
ابو مفراح
بنات افكاري
اسلام رفاعى
mazagat
.:.-=- ELGaZaLy-=-.:.
saad alshater
Caaaaat
reri
تخاريف
مدونه انا بحبك يا مصر
امام الجيل
تحياتي لكم
الاخوة الكرام
belal
ro7
فاروتا المصرى
كرم مسلم
sendbad
AbdElRaHmaN Ayyash
human
باربكيو
تخاريــف من المعادي
ftataljanna
bocycat
فى القلب
عمر الشرقاوى
بنت الحقيقة
Marvel
عازف الناى
Hany
مجهول
تحياتي لكم جميعاً
الاخوة الكرام
mohamed gado
نورا المالكي
ذو النون المصري
Hadota .. حدوتة
Mustafa Şenalp
محمد الجرايحى
محض روح
Doba
عاشقة الوطن
المواطن المصري المطحون
huda gamal
HaMbAcAWeY
mo'men mohamed
شباب روش طحن
A/kader
المجاهدة
Anonymous
دنــــيــا مـحـيـرنـي
david santos
أحمد سلامــه
مصطفي الدسوقي
Ert3ashat
بحبك يا مصر
عاليا حليم
عـرب للأبــد
gohayna
د/ وائل فتحي
اشكر الجميع وارفع قبعتي تحية لهم ولدعمهم الكبير لي
تحياتي
Post a Comment